Iotua 21:43 - Te B'aib'ara

⁴³ Ma ngaia are e anganiia aomatan Iteraera ni kabane abaia te UEA n aron are E a tia n taekinna n ana berita ae tabu nakoia aia bakatibu b'a E na anganiia. Ao a bon maekanna b'a ai bon abaia.

Iotua 21:43 Iomraidhean Croise

Karikani B'aai 12:7

Ao E kaoti te UEA nakon Aberam, ao E taku, “Bon aio te aba are N nang anganiia am kariki.” Ao e karaoa te baonikarea Aberam i bukin te UEA are E kaoti ngkoa nakoina.

Karikani B'aai 13:15

N nang anganiko ma kanoam aaba ni kabane ane ko nooria, ao a na riki b'a am b'ai n aki toki.

Karikani B'aai 28:4

E bia kakab'aiako n arona naba ngke E kakab'aiaa Aberaam, ao ko na b'aina te aba aei, ae ko a tia ni maeka iai, ae E a tia n anga te Atua nakon Aberaam.”

2.Rongorongo 20:8

A maeka ara bakatibu n te aba aei ao a karaoa te Tembora i bukin karineam.

Neemia 9:24

Ao i mwiina, a taua te aba aia bakatibu. Ko buokiia ni kataenikaiia taiani uea ao botannaomata ma ni karaoa are a bon taku nakoia aia kairiribai.

Neemia 9:8

Ko karaoa am boraraoi b'a Ko na anga abaia kaain Kanaan ao kaain Eta, kaain Ammon ao Beritaite, ao kaain Iebuti ao kaain Kirekata nakoia ana kariki i bukina ngke e kakaonimaki Ao ngkai, Ko a tia ni kakoroa bukin am berita n aron are Ko boni kaakaraoia.

Taian Areru 105:8

E aki toki n uringa ana boraraoi, E na bon aki kona ni m'aninga ana taeka nakoimi i nanon rooro ma rooro;

Taian Areru 44:3

E aki reke te aba irouia ara bakatibu n aia b'ai ni buaka; Ao e aki reke irouia n oini korakoraia; E reke ni m'aakam ao ni korakoram: mani kakoauaan memenam irouia ni kaotia b'a Ko tangiriia.

Taian Areru 78:55

E kakioia nako kaain te aba mai m'aaia; E tib'ai abaia nakoia barongan nako Iteraera, Ao E anga mwengaia b'a a na maeka iai ana Aomata.

Te Otinako 3:8

ao I ruo rikaaki ngkai b'a N na kamaiuia mairouia kaain Aikubita. N na kaotinakoia Au aomata mai Aikubita nakon te aba ae e maiu reirei, ae e m'aiti iai te miriki ma ana karewe te manibeeru. N na anganiia te aba are a maeka iai ngkai kaain Kanaan, kaain Eta, kaain Amora, kaain Berita, kaain Iwa ao kaain Iebuti.

Ieremia 32:23

Ma ngke e a reke irouia ara bakatibu te aba aei, ao a manga aki ongotaeka nakoim. Ao ngkai Ko a katuaaia Iteraera n te kabuanib'ai.

Warekaia Iteraera 33:53

Ao i mwiina, kam na maekana te aba---I a tia n anganingkami b'a abami.

Warekaia Iteraera 34:2

b'a e na tuangiia Iteraera aron abaia:

Te Tua-Kaua 11:31

Kam na ri nanon te Karaanga are te Ioretan n te tai ae aki maan ma n taua te aba are a tia n anganingkami te UEA. Ao ngkana kam a tekateka raoi ikekei,

Te Tua-Kaua 12:29

Iteraera, ngkana kam nakon te aba ma ni buakaniia botannaomata ake ikekei, ao E na kamateia te UEA ao kam na kona n anaa abaia.

Te Tua-Kaua 17:14

Kaain Iteraera, i mwiin tauan te aba are E anganingkami te UEA, ao i mwiin naba tekatekami iai, ao ane kam na kaangai, Ti tangira karekean te uea, n aekakiia botannaomata aika i rarikira.

Te Tua-Kaua 34:4

Ao E taku te UEA, Moote, aio te aba are I taekinna ngke I berita nakoia Aberaam, Itaaka, ao Iakob'a b'a N na anganiia kanoaia. I a tia ni kaotia nakoim, ae ko na aki ri nanon te Karaanga are te Ioretan ma n rin n te aba arei.

Iotua 1:6

Ko na korakora ao ko na ninikoria b'a ko na riki b'a aia tia kairiri aomata aikai ni karokoa te tai are a na tekateka raoi iai n te aba are I a tia ni berita b'a N na anganiia aia bakatibu.

Iotua 21:42

ao a airi ma aia tawaana n uteute i rarikiia nako.

Tani Motiki-taeka 11:24

Ngkana atuami Kemoti ao e taua te aba man anganingkami, e koaua b'a akea ami b'ai iai? Ma ngkana E anaa te aba anne te UEA ma n anganiira, ao bon abara!

1.Tamuera 12:8

I mwiin nakon Iakob'a nako Aikubita, ao a tang ami bakatibu nakon te UEA i bukin buokaia, ao E kanakoa Moote ma Aaron te UEA. Ao a kairiia ami bakatibu mai Aikubita ao E katekatekaia n te aba aei.