Iotua 21:38 - Te B'aib'ara

³⁸ Man te baronga are Kata ao a anganaki naba aua aia kaawa aika: Ramota are i Kireata (te kaawa ni kamauri teuana), Maanaim,

Iotua 21:38 Iomraidhean Croise

Karikani B'aai 32:2

Ao ngke e nooriia, ao e taku, “Bon aio ana maeka te Atua.” Ma ngaia are, e arana te tabo arei b'a Maanaim.

2.Tamuera 17:24

E nako Tawita nakon te kaawa are Maanaim, ao e ri aon te Karaanga are te Ioretan Abetarom ma ana taanga ni buaka Iteraera.

2.Tamuera 19:32

Ai wanibwi ana ririki ni maiu Baretirai. E rangi ni kaub'ai ao e a tia ni kanakoa te am'arake nakon Tawita i Maanaim.

2.Tamuera 2:8

Abenera are natin Nera te m'aane bon ana tia kairiiri temanna Tauro ngaia n te taanga ni buaka. E uota natin Tauro te m'aane are Itiboteta ri aon te karaanga are te Ioretan nako Maanaim

1.Uea 22:3

Ao e titirakiniia ana taani kairiiri Aaba ni kaangai, “E aera ngkai ti tuai ni kataia ni kaoka Ramota Kireata mairouia kaain Turia? Bon abara.”

1.Uea 4:13

Natin Kebera te m'aane are e tararua te kaawa are Ramota i Kireata ao kaawa naba aika a uarereke i Kireata ake aia b'ai te utu are Iaira are kanoan Manate. E tararua naba aonon te aba are Arekoba i Batian, are iai kaawana aika onobwi aika iai ooia aika taiani buraonti bitin mataroana.

1.Uea 4:14

Ainataba are natin Ito te m'aane, boni ngaia are e tararua te aba are Manaim.

1.Rongorongo 6:80

Ao kaain Merari a anganaki man te baronga are Kata kaawa aika Ramota i Kireata, Maanaim,

Iotua 13:26

e waakinako naba tian abaia mai Etibon nako Ramata-mitibe ao Betonim, ao mai Maanaim nako tian Riteb'ara.

Iotua 13:30

A reke i nanon abaia utuun te baronga are Manate i mainiku n taabo aika: Maanaim, ao Batian ni kabane, are aban uean Oka, ao kaawa naba ake onobwi ake kaawan Iaira i Batian.

Iotua 20:8

A rineaki naba tenua kaawa ni kamauri i mainikun te Ioretan, n taabo ake a aoraoi n te rereua are i mainikun Ieriko, ao a rinea Betera are abaia te baronga are Reuben, Ramota are i Kireata are i abaia te baronga are Kata, ao Koran i Batian, are i abaia te baronga are Manate.

Iotua 21:37

Ketemota, ao Meb'ata, ao a airi naba ma aia tawaana n uteute.

Iotua 21:39

Etibon, ao Iatera, ao a airi naba ma aia tawaana n uteute.