Iotua 21:27 - Te B'aib'ara

²⁷ Ao te koraki teuana are kaain te kaainga are Rewi, are kanoan Kerition, a anganaki tebwi ma teuana aia kaawa man abaia te baronga are Manate mainiku, aika kaawa aika: Koran are i Batian (te kawa ni kamauri teuana) ao Beetitera, ao n airi naba ma aia tawaana n uteute.

Iotua 21:27 Iomraidhean Croise

1.Rongorongo 6:47

M'ari, Muti, Merari, ao Rewi.

1.Rongorongo 6:71

E anganaki te kaainga are Kerition mairoun te baronga are Manate Mainiku uoua kaawa aika: Koran are i Batian, ao Atiterota, n reitaki ma aaba aika a raoiroi uteuteia ake i rarikiia.

Te Tua-Kaua 1:4

E karaoa aei imwin tiringan te uea are Taion, are aia uea Amoraite, are e tautaeka ngkoa i Etibon; ao te uea naba are Oka, are aia uea kaain Batian, are e tautaeka ngkoa i Atiterota ao i Eterei.

Iotua 20:8

A rineaki naba tenua kaawa ni kamauri i mainikun te Ioretan, n taabo ake a aoraoi n te rereua are i mainikun Ieriko, ao a rinea Betera are abaia te baronga are Reuben, Ramota are i Kireata are i abaia te baronga are Kata, ao Koran i Batian, are i abaia te baronga are Manate.

Iotua 21:26

Bootan aia kaawa utuun te kaainga are Koata ake a anganaki bon tebwiina, aika a airi ma aia tawaana n uteute.

Iotua 21:28

A anganaki naba aua aia kaawa man abaia te baronga are Itakara aika: Kition, Taberata,

Iotua 21:6

A anganaki tebwi ma tenua aia kaawa te kaainga are Kerition man abaia taian baronga ake Itakara, Atera, Nabetari, ao Manate mainiku.