Iotua 21:2 - Te B'aib'ara

² ao a kaangai nakoia, “E a tia ni mwiokoa Moote te UEA b'a e na anganira taian kaawa b'a nnera ni maeka, ao taian tawaana n uteute naba akana i rarikin kaawa akanne i bukiia ara nanai ni man.”

Iotua 21:2 Iomraidhean Croise

Nakoaia Ibonga 25:32

Ngkana iai kanoan Rewi ae iai ana auti i nanon te kaawa ae ooaki, iai i rouna n taai nako te m'aaka ni kona ni kabooa ni kaokia.

Mataio 10:10

ao tai uoti neni kanami i bukini m'anangami, tai uoti uoua te kabaraki, tai ua kauniwae, ao tai ua oko; b'a e riai b'a e na anganaki te tia m'akuri baika e kainanoi i bukini maiuna.

I-Karatia 6:6

Ao ane reireiaki ana taeka te Atua e na buokanib'ai ni baika raraoi ma te tia reirei.

Iotua 14:5

Ao a tib'aa abaia Iteraera n ai aron Ana taeka te UEA nakon Moote.

Iotua 18:1

Ngke a tia aomatan Iteraera n taua te aba, ao a bane ni ikotaki i Tiro ao a katea ana Um'antabunrianna ni kaota memenana iai.

Iotua 21:3

Ma ngaia are a anganaki aia kaawa ma aia tawaana n uteute te baronga are Rewi i rouia aomatan Iteraera man abaia nako n ai aron Ana mwioko te UEA.