Iotua 20:9 - Te B'aib'ara

⁹ Ao aikanne kaawa ni kamauri ake a rineaki i bukiia te botannaomata ae Iteraera, ao i bukiia naba iruwa ake a maeka i buakoia. E a kona ni mauri te aomata are e tiriaomata n tiaki nanona mai i rouia taan irantaanga. E bon aki kona n tiringaki teuanne ni karokoa kakoauana raoi n te kabowi b'a e bon reke n te bure.

Iotua 20:9 Iomraidhean Croise

Warekaia Iteraera 35:13

A na riai n reke onoua Kaawa ni Kamauri,

Warekaia Iteraera 35:15

Ana riki b'a taabo ni kamauri nakoia aomata ake a maeka i aon Iteraera ake a tiritiri n tiaki nanoia. Ao E taku te UEA:

Iotua 20:4

E na kona ni birinako ni karabaa n teuana mai i buakon kaawa ni kamauri akanne, ao e na kab'arab'ara nakoia unim'aanen te kaawa anne te b'ai are e riki, ao a na karinna n te kaawa ni katikua ni kamaekaa moa ikanne.

Iotua 20:6

E na tiku teuanne n te kaawa anne ni karokoa tian raoi bairean taekana mai i rouia kaain te kaawa anne, ke ni karokoa naba maten te mataniwi ni ibonga n taai akanne, ao e a tib'a kona ngkanne n okira ana kaawa are nako mai iai.”

Iotua 20:8

A rineaki naba tenua kaawa ni kamauri i mainikun te Ioretan, n taabo ake a aoraoi n te rereua are i mainikun Ieriko, ao a rinea Betera are abaia te baronga are Reuben, Ramota are i Kireata are i abaia te baronga are Kata, ao Koran i Batian, are i abaia te baronga are Manate.