Iotua 2:3 - Te B'aib'ara

³ Ma ngaia are e kanakoa ana taeka nakon Nei Raaba ao e kaangai, “Mm'aane akana roko ni mwengam bon taan tib'aaiakina abara! Kaotinakoia man am auti!”

Iotua 2:3 Iomraidhean Croise

Karikani B'aai 38:24

Ao i mwiin tabeua te nam'akaina, ao iai ae roko n tuanga Iuta ni kaangai, “E a tia ni karaoa te m'akuri n aine ni mataawa buun natim are Nei Tam'aa, ao e a bikoukou ngkai.” Ao e taku Iuta, “Kaotinakoa, ao kabuokia ni karokoa matena.”

Karikani B'aai 42:31

Ao ti taku, Bon tiaki taan tib'aai ngaira, ma bon aomata ngaira aika ti raoiroi.

2.Tamuera 10:3

Ma a taku ana mataniwi Anun nakoina, “Ko boni kakoauaa b'a a karinea tamam ngkai e kanakoia aomata aikai b'a a na kaawakiniko? E kanakoia b'a a na tib'aaiakina ara kaawa, b'a e aonga ni konaa n urua.”

2.Tamuera 17:20

Ao a roko ana tautia Abetarom nakon te aine arei ao a titiraki ma te b'anaa ae e matoa ni kaangai, “A ngaa Aimaati ao Ionatan?” Ao e taku neierei, “A ri nanon te karaanga are e uarereke arei.” Ao a nako tautia akekei ni kakaaia m'aane ake uoman akekei. Ma a bon aki roko irouia, ao a okira Ierutarem.

1.Rongorongo 19:3

ao a taku mataniwi mai Ammon nakon Anun, “Ko kakoaua b'a e bon rangi ni karinea tamam ngkai e kanako ia m'aane aikai i bukin karauan nanom? E aki, ma e kanako ia b'a e na tib'aiakina abara, b'a e aonga ni konaa ni manga oki n tiringiira.”

Iobi 21:30

B'a n te bong are E un ma ni katuaaia iai aomata te Atua, ao bon aomata aika buakaka aika a kamaiuaki n taai nako.

Nakoaia Ibonga 24:14

E a tia n taetaebuakai teuaei. Uotia nako tinanikun te maeka ao a na katokai baiia taani kakoaua i aon atuna. Ao i mwiina tuangiia Iteraera ni kabane b'a a na karebanaia n atiibu ni karokoa matena.

Ioane 19:4

Ao e a manga oti nako Birato, ao e taku nakoia aomata, “Noria, N na kaotinakoa Iesu nakoimi, ao kam na ataia iai b'a akea ana bure ae I kunea.”

M'akuri 12:4

Ngke e a tia n tauaki Betero, ao e karinaki i nanon te karabuuti, ao a anganaki tautia aika akoraki aika kaka aman aomataia nako, b'a a na kawakinna. E kaantaningaia Erote b'a e na bairea taekani Betero i mataia aomata i mwin te Toa are te Riao.

M'akuri 12:6

N te bong are e nang kaotinakoaki iai Betero iroun Erote, ao e matu Betero n tairikin te bong are i m'aina i marenaia uoman tautia, ni kabaeaki n uaai te taurekereke; ao iai tautia ake a tantani i rarikini mataroan te kawai n rin nakon te karabuuti.

Iotua 10:23

Ao e kaukaki matan te b'angani matang ao a anaaki uean Ierutarem, ma Eberon, ma Iaremuta, ma Rakiti, ma Ekeron,

Iotua 2:2

E ongo uean Ieriko b'a iai uoman aomatan Iteraera aika a roko e bong b'a a na tib'aaiakina abaia,

Iotua 2:4

Ao e taku Nei Raaba, “Eng, a bon roko uoman m'aane n au auti, ma I aki ataia b'a a nako mai ia.

Tani Motiki-taeka 4:20

Ao e taku Titera nakoina, “Teitei i matan te autinrianna, b'a ngkana iai ae roko ma n titirakiniko b'a iai kaain te autinrianna, ao ko na kaangai, ‘Akea.’ ”