Iotua 2:16 - Te B'aib'ara

¹⁶ E taku nako ia, “Kam na nakon aaba ake a tabukibuki b'a kam rawa n reke i rouia ana tautia te uea. Ao karabaingkami ikanne i nanon tenibong ni karokoa okiia taan kakaae, ao kam a tib'a kona ngkanne n toua nako kawaimi.”

Iotua 2:16 Iomraidhean Croise

Taian Areru 11:1

I onimakina te UEA i bukini kamanoau; kam rangi ni baba ngkae kam kaangai nako iu, “Kiba nako n ai aron te mannikiba nako aoni maunga,

Iakobo 2:25

Ao tiaki b'a ai aron naba Nei Raba are te kabekaau? E reke reitakina ma te Atua n ana m'akuri, ngke e akoia taan tutuo akekei, ao e kanakoia n te kawai teaina.

Iotua 2:15

E mena ana auti Nei Raaba i eta i aon oon te kaawa, ma ngaia are e a nnaia man te winto n te roobu.

Iotua 2:22

Ao a nako tib'aai akekei ni karabaia i aon tabuki. A kakaae ana tautia uean Ieriko i tinanikun te kaawa i nanon tenibong, ma a bon aki kuneia, ma ngaia are a okira Ieriko.

1.Tamuera 23:14

Ao e tiku ni karabaa Tawita n aaba ake a tabukibuki, n te rereua are i rarikin Tiba. Ao e a m'aiti te tai ae e kuri n reke iai iroun Tauro, ma E aki anga Tawita te UEA nakon Tauro.

1.Tamuera 23:29

Ao e nako Tawita nakon aonon Enkeri, ike e tiku iai ni karabaa.