Iotua 2:12 - Te B'aib'ara

¹² Ma ngaia ae I butingkami ngkai, b'a kam na berita i matan Atuami b'a kam na nanoangaiia au utu n ai arou ngke I nanoangaai ngkami naba. Ao kam na anganai te kanikina ae N na kakoauai ngkami iai.

Iotua 2:12 Iomraidhean Croise

Karikani B'aai 21:23

Ma ngaia are, kam na karaoa ami berita ikai i matan te Atua b'a kakoauaan ae kam na bon aki kam'aneai ma au koraki n ataei, ke kanoau rimwi. I a tia ni kakaonimaki nakoim, ma ngaia are, ko na kakaonimaki naba nako iu, ao nakon te aba aei ae ko maeka iai.”

Karikani B'aai 24:3

b'a I tangiria ni berita ma ngkoe n aran te UEA, ae Atuan karawa ma aonnaba, b'a ko na aki karekea buun natiu te mm'aane mai buakoia kaain Kanaan.

Karikani B'aai 24:9

Ao e anga baina te toro arei nakon ana toka are Aberaam, ao e berita b'a e na karaoi baike e tuangnga Aberaam ni kabane.

Karikani B'aai 40:14

Ma I butiiko b'a ko a uringai ngkana a bane n nako raoi b'aai ni kabane i bukim. Ko a taiaoka n tataekinai nakon te uea ma ni buokai ni kaotinakoai man te karabuuti aei.

2.Rongorongo 36:13

E a tia uean B'aburon are Nebukaneta ni kairoroa Tetekia b'a e na berita n aron te Atua b'a e na kakaonimaki. E taningabono Tetekia ao e rawa n rairaki nako te UEA ae Atuan Iteraera, ma ngaia are, e kaaitaraa Nebukaneta.

Etita 8:6

N na kangaa ni waaki nako ngkana e roko te kabuanib'ai aei i aoia au aomata, ao a tiringaki oin au utu?

Te Otinako 12:13

E na riki te raraa are i aon bouan mataroan ami auti b'a te kanikina i bukin auti ake kam maeka iai. Ngkana I noora te raraa, N na riaoingkami ao N na aki tiringkami ngkana I katuaaia kaain Aikubita.

Ieremia 12:16

A reireiniia au aomata ngkoa aron taromaurian B'aara. Ma ngkana a kakoaua b'a bon te Atua ni koaua Ngai, ao ngkana a kariaia au aomata b'a a na reireinaki irouia aron taromauriau, ao a na manga riki botannaomata aikai b'a Au aomata.

Mareko 14:44

Ao teuare nang kam'anea Iesu, e a tia n angania aomata te kanikina, ngke e kangai, “Ane N na kiitinna ao boni Ngaia; kam na taua, ao kairia nako n tararuaia raoi.”

I-Rom 1:31

te koraki aika bure aroia, taan uru taeka ni boraraoi, taani babakaine, taan aki nanoanga.

1.Timoteo 5:8

Ma ngkana e aki karekei baika riai te aomata i bukiia ana koraki, ao ai moa ra riki i bukin oin ana utu, ao kaotana b'a e a kaaki taekan te onimaki, ao e a buakaka riki nakon are tiaki te tia onimaki.

Iakobo 2:13

B'a ane aki nanoangaea te aba, ao e na motikaki taekana n aki nanoangaki; ma e totokanikai te nanoanga n te motiki-taeka.

Iotua 2:13

Kam na berita nako iu b'a kam na kamaiuia tamau, tinau, m'aneu ma tariu nako ao aia utu ni kabane! Kam na aki tiringiira!”

Iotua 2:18

Aio te b'ai ae ko riai ni karaoia. Ko na kabaea te kabae ae uraura n te winto are ko nnaira mai iai. Ngkana ti buakana te kaawa aei, ao ko na bootia tamam, ma tinam, ma m'anem nako, ma ana utu tamam ni kabane i nanon te auti aei.

Iotua 2:19

Ngkana iai ane e otinako man te auti aei ao bon ana bure i rouna ngkana e mate, ao ngaira akea naba tabera iai, ao ko na aki bukiniira i rouna, ma ti na bukinaki iroun ane e mate i nanon te auti.

Iotua 6:22

Ao e taku Iotua nakoia aomata ake uoman ake taan tutuo ni karaba, “Naako nakon ana auti neiere te kabekaau, ao kaotinakoa ma ana utu n ai aron are kam a tia ni berita iai nakoina.”

Iotua 9:15

Ao e karaoa te boraraoi n raoi Iotua ma aomatan Kibeon ao e kamaiuia. Ao a karaoa aia berita ae matoa aia taan kairiri aomatan Iteraera b'a kaanga kamatoaan te boraraoi n raoi arei.

Tani Motiki-taeka 1:24

Ao ngke a tabe n tarataraa te kaawa taan tutuo ni karaba, ao e otinako temanna te m'aane, ao a taku nakoina, “Ngkana ko kaota nakoira b'a engaa te tabo ae a kona n rin mai iai ara taanga ni buaka nakon te kaawa aei, ao ti na bon aki tiringko.”

1.Tamuera 30:15

Ao e titirakinna Tawita ni kaangai. “Ko konaa ni kairai nakoia taan kurib'ai akanne?” Ao e kaeka ni kaangai, “N na kairiko ngkana ko berita nako iu n aran Atuam b'a ko na aki tiringai ke n anga ngai nakon au toka.”