Iotua 2:11 - Te B'aib'ara

¹¹ Ao ti rootaki n te maaku n te tai are ti ongo iai baikai; ti maakui ngkami. E bon tautaeka te UEA ae Atuami i eta i karawa, ao i nano i aon te aba.

Iotua 2:11 Iomraidhean Croise

1.Uea 8:60

Ao ane a na ataia iai botannaomata ni kabane b'a bon te UEA te Atua ni koaua.

2.Uea 5:15

Ao e okirikaaki Naaman ma ana mataniwi nakon Eritai. E tei Naaman i matan Eritai, ao e katanoata ni kaangai, “I a bon ataia ngkai b'a bon ti te Atua n te aonnaba aei Atuaia Iteraera. Teuae ko karineaki! taiaoka butim'aea au b'aintangira aei.”

Neemia 6:16

Ao ngke a ataia ara kairiribai ake i rarikira ae e a tia karaoan te oo, ao a rangi ni b'ara nanoia, i bukina b'a a ataia ae e a tia Atuara ni buokiira ni manga karaoa te oo.

Etita 8:17

A bane ni karaoa aia bong ni motirawa ae e kakukurei I-Iutaia ni kaawa nako ao n burawinti nako ike e warekaki iai ana moti te uea, ao I-Iutaia a karaoa aia baka n am'arake ni kukurei. Ni koauana, a m'aiti aomata aika a maaku irouia ngkai ao a manga riki b'a I-Iutaia.

Taian Areru 102:15

Ane a na maka te UEA botannaomata; a o a na bane uean aonnaba ni maka m'akana.

Taian Areru 22:14

Akea korakorau, e a nako b'a kanga ai aron te ran ae kab'aroaki. Ao a bane riu n tibanako man tomaia; ao nanou ai aron te nenea ae riki n ran.

Taian Areru 58:7

A bia mauna nako n ai aron te ran ae raanga nako; A bia kamanatuaki n ai aroia uteute aika mena i nanon te kawai.

Taian Areru 83:18

A na ataiko b'a Ngkoe ae te UEA, bon ti Ngkoe ae Moan te Rietaata i aonnaba ni kabane!

Te Otinako 15:14

A tia n ongo botannaomata, ao a ruru ni maaku; ao a rootaki kaain Biritia n te maaku.

Te Otinako 15:15

A maaku taani kairiri i Etom; a ruru m'anen Moaba ake a korakora; ao a biu kaain Kanaan.

Itaia 13:7

A na bane ni maaku aomata ni kabane. A na akea angin taiani bai; a na mauna nako taian anginnano.

Itaia 19:1

Aio rongorongon Aikubita: E roko te UEA mai Aikubita, n toka i aon te nang. A aki konab'ai aomata i bukin maakuia. A rurubenebene aia bouannanti ngke e roko man taku,

Etekiera 21:15

Ane a na mauna ninikoriaia ao a na b'aka ni maaku. E tataninga Au kabaang iai mataroa ni kabane, n raneanea ma n tauraoi nakon tiritiri.

Naum 2:10

E a uruaki Ninewe, e a rereua ao e a kamaroaa! A rannako naano; a ruru bubuaniwae, akea te korakora; a mainarake moaia aomata.

Te Tua-Kaua 1:28

Ti a rangi ni maaku i bukina b'a a taku koraki ake a nako n tuoa te aba b'a a rangi ni buubura kaawa akekei, ma ooia aika rietaata nako karawa. Ao a ab'ab'aki man korakora riki aomata ake a maeka ikekei nakoira, ao bon taian Anakim tabeman mai buakoia. Bon akea te tabo ae ti na nako iai.”

Te Tua-Kaua 20:8

Ao te kabanea, ane e maaku, ao e kona naba n okira ana auti, b'a e kaawa ni manga kairaraangiia tautia aika tem'angina.

Te Tua-Kaua 4:39

Ma ngaia are, kam na uringnga b'a bon ti te Atua ni koaua te UEA, i eta i karawa, ke i nano i aonnaba.

Iotua 14:8

A kakamaakuia aomata m'aane ake raou n te tai arei, ma I bon kakaonimaki n ongotaeka nakon te UEA ae Atuau.

Iotua 2:24

ao a kaangai, “Ti kakoauaa b'a E a tia n anganiira te aba arei te UEA ni kabane, b'a a bane ni makuira kain te tabo arei.”

Iotua 5:1

Ao a ongo aia uea kaain Amora ni kabane ake i maeaon te Ioretan, ma aia uea naba kaain Kanaan ni kabane ake i mataniwiin taari are te Mereterenian, b'a E kaoraa te Ioretan te UEA i bukin karokoaia Ana aomata ni iterana, ao a bane ni maaku ma ni biu nanoia i rouia kanoan Iteraera.

Iotua 7:5

A kakioaki tautian Iteraera i rouia tautian Ai man te mataroa ni karokoa te tabo n riko atiibu, ao e kaania teningaun ma onoman tautian Iteraera ake a mate i nanon tain kakioakiia rikaaki man te tabuki. Ao a buuang aomatan Iteraera ao a maaku.

Iotua 9:24

Ao a kaeka aomatan Kibeon ao a kaangai, “E tuanga Ana toro are Moote te UEA ae Atuami b'a kam na tiringiia aomata ni kabane aika a maeka ikai, ao kam na anaa naba abaia b'a abami. Ti maaku b'a kam na tiringiira naba ma ngaia are ti a m'am'anaai ngkami i bukin karekean te boraraoi n raoi ma ngaira.

Te Kaotioti 6:16

ao a kaangai nakoni maunga ma atibu, “Kam na b'akarira, ao kam na karabaira mai matan Teuare tekateka i aon te kaintokanuea, ao man unin te Tiibuteteei.