Iotua 18:8 - Te B'aib'ara

⁸ Ao a nako m'aane akekei ni katarataraa abaia i mwiin anganakiia ana kaetieti Iotua are kaangai, “Kam na nako nakon te aba arei ao kam na taraa aona. Ao kam na manga okirai. Ao mai ikai i Tiro, n na tuanga te UEA b'a E na tib'a aonteaba nakoimi ni karaoa te katekeraoi i aomi.”

Iotua 18:8 Iomraidhean Croise

Karikani B'aai 13:17

Ma ngaia are, ko na nako ngkai, ao ko na taraa aon te aba ni kabutaa i bukina b'a N nang anganiko ni kabane.”

Itaia 34:17

E a tia te UEA ni baairea te tabo ike a na maeka iai n tatabemaniia; ana mena ikekei n aki toki, n te roro teuana ma teuana.

I-Rom 14:19

Ma ngaia ae ti na uaiakin rekeni b'aai aika a na karekea te rau, ao baika na buoka kateimatoan temanna ma temanna n ana onimaki.

Iotua 13:7

Ma ngaia ae ngkai, manga tib'aa te aba i marenaia ruaiwa te baronga, ao iteran te baronga are Manate b'a ai bon abaia.”

Iotua 15:1

Aikai aaba ake a anganaki utuun te baronga are Iuta b'a abaia; ake aaba ake a nako aiaki ake i rarikin tian Etom, ao e roota te rereua are Tin tokina mai maiaki.

Iotua 18:1

Ngke a tia aomatan Iteraera n taua te aba, ao a bane ni ikotaki i Tiro ao a katea ana Um'antabunrianna ni kaota memenana iai.

Iotua 18:10

Ao e karaoa te katekeraoi Iotua i bukin kakaean nanon te UEA i bukin tib'aakin te aba arei nakoia nikiraia aomatan Iteraera.

Iotua 18:6

Uotaamai rongorongon aonteaba ae kam a tia n tib'atib'aia nakon itiua te m'akoro, b'a n na kakaea nanon te UEA ni karaoa te katekeraoi i bukin tib'aakin abami i aomi.

Iotua 18:9

Ma ngaia are a nako m'aane akekei n taraa aonteaba arei ni kabuta, ao n tib'aia nakon itiua te m'akoro. Ao a taui naba m'aitin kaawana ni kabane. Ao i mwiina a okira Iotua n te maeka i Tiro.

1.Tamuera 14:41

Ao e tataro Tauro ni kaangai, Ara UEA ae Atuan Iteraera, e aera ngkai Ko aki kaekaai n te bong aei? Taiaoka ma kaotia nako ira b'a antai ae bure. Natiu ae Ionatan ma ngai, ke Am aomata aika Iteraera?” Ao e oki te kaeka b'a Ionatan ma Tauro aika a tia ni bure.