Iotua 18:7 - Te B'aib'ara

⁷ Ma e ngae n anne ao akea tib'aia tibun Rewi ae a na anganaki b'a abaia n ai aromi, i bukina ngke bon iai tib'aia are bon Ana ibonga te UEA ngaiia. Ao a bon tia naba n reke tib'aia te baronga are Kata, Reuben, ao Manate i mainiku, n aaba ake i mainikun te Ioretan n aron are e a tia ni karaoia ana toro te UEA are Moote nakoia.”

Iotua 18:7 Iomraidhean Croise

Warekaia Iteraera 18:20

E na aki reke nako imi te aba teuana i aon Iteraera b'a abami. Bon te UEA Ngai, ao N na anganingkami b'aai ni kabane akana kam kainanoi.”

Warekaia Iteraera 18:23

Ngkana iai ane karaoa anne, ao e na tiringaki, ao a na katuaaeaki naba kanoan Rewi. E na bon aki bibitaki te tua aei. I bukina ngke a na aki anganaki abaia kanoan Rewi man te aba i aon Iteraera b'a abaia,

Warekaia Iteraera 18:7

Ma bon ti ngkoe ma natim mm'aane ae kam kona ni karaoa te m'akuri n ibonga n te baonikarea i nanon te Tabo are Moan te Tabu. Bon au b'aintangira nako imi te m'akuri n ibonga. Ao ake a kataia ni karaoa te m'akuri n ibonga, a na bon tiringaki.

Te Tua-Kaua 10:9

Ao E berita te UEA b'a E na teimatoa ni karekei aia b'ai kanoan Rewi, ao boni ngaia anne bukina ae E aki anganiia iai abaia, ngke E tib'atib'a te aba i aoia taiani baronga.

Iotua 12:6

A taenikai uea aika uoman aikai i roun Moote ma aomatan Iteraera. Ao e anga abaia uea aikai Moote nakoia barongan Iteraera ake Reuben, ma Kata ao nakoia naba iteran te baronga are Manate b'a abaia.

Iotua 13:33

Ma e aki anga te aba teuana Moote nakoia te baronga are Rewi, ma e tuangiia b'a ai tib'angaia naba taian karea nakon te UEA are Atuaia Iteraera.