Iotua 18:6 - Te B'aib'ara

⁶ Uotaamai rongorongon aonteaba ae kam a tia n tib'atib'aia nakon itiua te m'akoro, b'a n na kakaea nanon te UEA ni karaoa te katekeraoi i bukin tib'aakin abami i aomi.

Iotua 18:6 Iomraidhean Croise

Taian Areru 105:11

Ngke e kaangai, “N na anganiko te aba are Kanaan, b'a tib'angami ae kam na abanna.”

Taeka n Rabakau 16:33

Ti konaa ni karaoi oin ara babaaire nako, ma bon ti te UEA n ti ngaia ae e baairei baika a riki.

Taeka n Rabakau 18:18

Te kaiwa bon ngaia teuana kawain katokan taiani kangaanga.

Warekaia Iteraera 33:54

N na kaota nako imi aron tib'atib'aakin te aba i aoia baronga, ni kaineti ma m'aitin taian kaainga n ami baronga n tatabeua nako.

Warekaia Iteraera 34:13

Ao e a taetae Moote nakoia aomata ni kaangai, “A na reke i roumi aaba akana i nanon taian tia akanne. A na riki b'a ami b'ai, ma E a tia te UEA ni mwiokoingkami b'a kam na tib'aia nakon ruaiwa ma te itera te baronga.

M'akuri 13:19

Ao ngke E a tia ni kamaunaia botannaomata ake itiua n te aba are Kanaan, ao E anganiia abaia b'a a na abanna,

Iotua 14:2

E a karaoaki te katekeraoi i bukin tib'aan abaia barongan Iteraera ake ruaiwa ma te iterana, i maeaon te Ioretan n ai aron ana mwioko te UEA nakon Moote

Iotua 18:10

Ao e karaoa te katekeraoi Iotua i bukin kakaean nanon te UEA i bukin tib'aakin te aba arei nakoia nikiraia aomatan Iteraera.

Iotua 18:7

Ma e ngae n anne ao akea tib'aia tibun Rewi ae a na anganaki b'a abaia n ai aromi, i bukina ngke bon iai tib'aia are bon Ana ibonga te UEA ngaiia. Ao a bon tia naba n reke tib'aia te baronga are Kata, Reuben, ao Manate i mainiku, n aaba ake i mainikun te Ioretan n aron are e a tia ni karaoia ana toro te UEA are Moote nakoia.”

Iotua 18:8

Ao a nako m'aane akekei ni katarataraa abaia i mwiin anganakiia ana kaetieti Iotua are kaangai, “Kam na nako nakon te aba arei ao kam na taraa aona. Ao kam na manga okirai. Ao mai ikai i Tiro, n na tuanga te UEA b'a E na tib'a aonteaba nakoimi ni karaoa te katekeraoi i aomi.”