Iotua 18:16 - Te B'aib'ara

¹⁶ Ao e a manga biri rikaaki nako oin te maunga are e kaitaraa te m'arua are Innom, are i tabon te m'arua are Rebaim mai meang. E a manga nako aiaki n ri nanon te m'arua are Innom are i maiakin taberan maungan Iebuti ni kaineta rarikin Enrokera.

Iotua 18:16 Iomraidhean Croise

2.Tamuera 17:17

Ao a nako n tataninga Ionatan ma Aimaati i rarikin te koburake n ran i Rokera b'a a ribaa norakiia i Ierutarem. Ao e nakon te koburake n ran te aine ae te tia m'akuri ao e anganiia te rongorongo are a na kaongoa Tawita.

2.Tamuera 5:18

Ma ngaia are, a kaemb'a n te M'arua are Rebaim.

1.Uea 1:9

Ao Atoniia e kaoiia tarina nako ma ana aobitia nako Tawita ma Iuta b'a a na iria nakon te B'a are Toreta are i rarikin koburaken ranin Rokera, ike e anga iai ana karea tabeua tiibu, kaom'aane, ao kaao ataei aika a marika.

2.Uea 23:10

E kanakoia tabeman m'aane Iotia nakon te M'arua are Innom are i tinanikun Ierutarem ma ana taeka ae a na aki kariaiakaki baonikarea ikekei b'a b'aai n taromauri. N te aro anne, are a aki konaa iai aomata ni manga kamanenai i bukin kareanakin aia ataei nakon Moreka.

1.Rongorongo 14:9

A tia ni katei auti n rianna kaain Biritia i M'aruan Rebaim ao a eekinakoi kaawa aika a uarereke ake e mena i rarikiia.

2.Rongorongo 28:3

ao e anga karea n te M'arua are Innom. Ana bure ae e rangi ni buakaka ngke e anga oin natina te m'aane b'a ana karea, are bon te katei ae moan te buakaka ngkoa irouia te botannaomata ake a kanakoaki iroun te UEA mai aon Iteraera.

2.Rongorongo 33:6

ao e katea naba te atiibu are taamnein antiia ianena. E kaakaraoa naba taiani m'akuri n tabunea ao ni b'ainikawai,

Itaia 30:33

N taai ake ngkoa iai te tabo ae e katauraoia te UEA i bukin kabuokakin rab'atan te uea ae e a mate. E nano nnen te ai ao e warebwerebwe, e b'aenaata te ati n rietaata, ao e na kauraa te ai te UEA ni kaotinakoa ikeikena ae te ai.

Ieremia 19:11

Ko na tuangiia naba Au taeka ae: Bon te UEA Ngai ae Moan te M'aaka, ao I kauringngkami b'a N na urua Iuta ao Ierutarem n aron te tiaeki aei n te aro are e na aki konaa ni manga reke b'ainakina. Kam na tauniia ami mate ikai i Tobeta, ma angiia ma iroumi a na mate ao e na aki reke neia n taunaki.

Ieremia 19:2

nakon te M'arua are Innom, i tinanikun te Kaatiibu ae e Uruaki Ao tuangiia aomata Au taeka aika a kaangai:

Ieremia 19:6

Ma ngaia are, kam na taratara raoi! N te bong teuana ao e na aki manga aranaki te tabo aei b'a Tobeta ke te M'arua are Innom. E na aranaki b'a te M'arua n Tiritiri!

Ieremia 32:35

Ao a kairiia kaain Iuta nakon te bure ngke a manga karaoi taabo i bukin taromaurian B'aara n te M'arua are Innom, ike a karean iai natiia mm'aane ma natiia aine nakon Moreka. I bon tuai man tuangiia b'a a na karaoi buure aika a rangi n ribaaki aikai.

Iotua 15:63

Ao a uaia ni maeka aomatan Iuta ma I-Iebuti Ierutarem, ao n aki kona ni kakionakoia I-Iebuti mai Ierutarem. Ao anne bukina ae I-Iebuti a teimatoa ni maeka Ierutarem n reitaki ma aomatan Iuta.

Iotua 18:28

Tera, Ereba, I-Iebuti (ke Ierutarem), Kibeata, ao Kiriata-iearim. Bon tebwi ma aua bootan kaawa aikai, ao bon iai naba kaawa aika a uarereke i rarikiia. Ao ai anne ngkanne te aba are a anganaki utuun te baronga are Beniamin b'a abaia i roun Iotua.

Tani Motiki-taeka 1:21

A maeka kaain Iebuti i Ierutarem, ma a aki konaaki irouia te baronga are Beniamin ke n tauaki aia kaawa irouia. Ao bon anne bukina are a bon tiku naba ni maeka kaain Iebuti i Ierutarem i rarikiia kaain te baronga are Beniamin.

Tani Motiki-taeka 1:8

A buakana Ierutarem ma n taua, a tiringiia aomata ni kabane, ao a kabuokia ni kamaunaa.

Tani Motiki-taeka 19:10

Ma e baaireia kanoan Rewi b'a e na aki manga tiku n te tairiki arei. E katokai kaintekatekan aon ana aati, ao a m'ananga nako ngaia ma buuna ao ana toro ni karokoa Iebuti, are e aranaki ni boong aikai b'a Ierutarem.