Iotua 17:4 - Te B'aib'ara

⁴ A m'ananga n te taina natin Terobeata ake aine ni kawara Ereata are te ibonga, ma Iotua are natin Nuun, ma taan kairiri, ao a taku, “E taku ngkoa te UEA nakon Moote b'a ko na anganiira abara n ai aroia ara utu m'aane.” Ma ngaia are e kakoroa nanon ana taeka te UEA Iotua anne ao e karekei abaia natin Terobeata ake aine n ai aroia aia utu ake m'aane.

Iotua 17:4 Iomraidhean Croise

Warekaia Iteraera 27:1

Terobeata bon kaain te baronga are Manate, ao boni iai natina aine aika niiman, aika Nei M'ara, Nei Nooa, Nei Okera, Nei Mireka, ao Nei Tireta.

Warekaia Iteraera 27:4

are e na kateimatoa aran ana utu. Ma e aera ngkai e nang kamaunaaki arana i bukina ngkai akea natina te mm'aane? Kam na anganiira naba abara n ai aroia ara koraki tabem'aang i nanon ara kaainga, b'a e aonga n teimatoa ni maiu aran tamara.

Warekaia Iteraera 36:10

Ao a ongotaeka natin Terobeata ake Nei M'ara, Nei Tireta, Nei Okera, Nei Mireka, ao Nei Nooa nakon te UEA

I-Karatia 3:28

Akea kaokoron te I-Iutaia ma te I-Erene i nanoni Kristo, ao akea kaokoron te toro ma te aomata ae inaomata, ao akea naba kaokoron te mm'aane ma te aine: b'a ti temanna ngkami ni kabaneingkami i nanoni Kristo Iesu.

Iotua 14:1

Aio rongorongon tib'aakin aaba ake i maeaon te Ioretan nakoia aomatan Iteraera. Ao a tib'ai aaba i aoia te botannaomata are Iteraera teuare Ereata are te ibonga, ma Iotua are natin Nun, ao mataniwiia utu man te baronga are Iteraera.

Iotua 17:5

Ao bon anne bukina ngkai tebwina aban te baronga are Manate n reitaki ma are i Kireata ao Batian i maeaon te karaanga are te Ioretan,

Iotua 21:1

Ngke a bon tabe naba ni kaemb'a aomatan Iteraera i Tiro n te aba are Kanaan, ao a m'ananga mataniwiin utu man te baronga are Rewi ni kawara Ereata are te ibonga, ma Iotua are natin Nun, ma atun utuun Iteraera ni kabane,