Iotua 17:18 - Te B'aib'ara

¹⁸ A na riki aaba ake a tabukibuki ni kabane b'a abami, e aoria ngke te buakonikai ma ko na kaitiakia ao ko na abanna mai tabona nako tabona. Ao i bukiia ngkanne aomatan Kanaan, kam na kakioia nako mai ikanne, e ngae ngkana a korakora ao a m'aiti aia kaa aika biiti.

Iotua 17:18 Iomraidhean Croise

Karikani B'aai 49:24

Ma e bon tiku n ariraki ana kainikatebe ma ana kanoanikatebe. Ao a kakorakoraaki angan baina Ni m'aakan te Atua ae Moan te M'aaka, ae Atuan Iakob'a, Ae te Tia kawakin tiibu, ae te Tia kawakina Iteraera.

2.Tamuera 18:6

E tei Tawita i rarikin mataroan te kaawa ngke a m'aati ana taanga ni buaka n aia m'akoro ake kaka tebubua ao kaka teuana tengaa. E bo te buaka ma Iteraera ni Buakonikain Eberaim.

I-Rom 8:31

Ao tera ngkanne ae ti na taekinna i bukini baikai? Ngkana raora te Atua, ao antai ae kona n ekira nako?

I-Rom 8:37

Ma moan te tokanikai ngaira i aoni baikai ni kabane iroun Teuare tangirira.

Te Tua-Kaua 33:17

A kakannato ao a kakamaaku n aron te kaom'aane ke te kao ae aki manana, aia taanga ni buaka Eberaim ao Manate a na ewariia botannaomata aika raroanako n aia kainiwai.

Ebera 13:6

Ma ngaia ae ti na aki maaku ni kangai: “Te Uea bon te tia buokai; N na aki maaku; Tera ae e kona te aomata ni karaoia nako iu?”

Iotua 13:6

Ni ikotaki naba ma abaia I-Titon ake a tuai reke naba i roumi ake a maeka n aaba ake tabukibuki, i marenan maungan Reb'anon ma Metirebotamaim. N na bane ni kakioia nako aomata aikai mai i m'aaia aomatan Iteraera ngkana a roko ni buakaniia. Ko na tib'aa te aba i aoia aomatan Iteraera, n ai aron Au mwioko ngkoa nakoim.

Iotua 15:9

Ao e a manga biri nakon koburake n ranni Nebetoa, ni manga otinako nakon kaawa ake i rarikin te maunga are Ebiron. Ao mai ikanne e a manga b'aoua ni kaitaraa B'araa (are arana ngkai Kiriata-Iearim).

Iotua 17:17

Ao e taku Iotua nakoia te baronga are Eberaim ao Manate maeao, “E bon koaua b'a a bon rangi ni m'aiti ami koraki, ao kam korakora, ao e na bon riai n reke riki abami.

Iotua 20:7

Ma ngaia are Iteraera a rinei tenua kaawa ni kamauri i maeaon te karaanga are te Ioretan. Aikai kaawa akanne: Keteti i Kariraia n aaba ake a tabukibuki i Nabetari, Tekem n aaba ake a tabukibuki i Eberaim, ao Eberon n aaba ake a tabukibuki i Iuta.

1.Tamuera 1:1

Iai ngkoa te m'aane temanna ae arana Erekana, ae kaain te baronga are Eberaim, ae maeka n te kaawa are Ram'a n aaba ake a tabukibuki i Eberaim. Bon natin Ieroboam ngaia ae te m'aane ao tibuna bon Eriu, ao tibutoruna Tou.