Iotua 17:13 - Te B'aib'ara

¹³ Ma ngke e a korakora te botannaomata ae Iteraera rimwi riki, ao a bon teimatoa naba n aki kakioia nako aomatan Kanaan ni kabane ma a kam'akuriia b'a kaanga tooro.

Iotua 17:13 Iomraidhean Croise

Karikani B'aai 49:15

Ma e nooria b'a e raoiroi te tabo arei Ao e nooria naba b'a e kakukurei te aba arei. Ma ngaia are, e a manga kab'aoua nuukana ni uoti uotana akekei Ao ni kairoroaki ni m'akuri b'a te toro.

2.Tamuera 3:1

Bon moanan te buaka ae e anaanau te buaka aei imarenaia ake a tei i bukin Tauro ma ake a tei i bukin Tawita. E rikirake ni mamaara korakoran Tauro, ma e rikirake ni buubura m'aakan Tawita.

I-Ebeto 6:10

Te kabanea: kam na korakora i nanon te UEA, ao ni korakorani m'aakana.

I-Biribi 4:13

I konai b'aai ni kabane ni kaitarai iroun Teuare kakorakoraai.

Iotua 16:10

Ma aki kakioia nako kaain Kanaan ake a maeka i Ketere, ma ngaia are a bon tiku ni maeka kaain Kanaan i buakoia aomatan Eberaim man taai akekei ni karokoa boong aikai, ma a kam'akuraki ni m'akuri aika rawawata n ai aroia tooro.

2.Betero 3:18

Ma kam na rikirake n te akoi ao n ataakin ara Uea ao ara Tia Kamaiu are Iesu Kristo. Ana b'ai te neboaki ngkai, ao n aki toki. Amen.

Tani Motiki-taeka 1:30

Ao a aki kona naba kaain te baronga are Teburun ni kanakoia kaain Kanaan ake a maeka i Kiteron ao Naarara. Ma a kairoroia kaain Kanaan te baronga are Teburun b'a a na riki b'a aia toro.

Tani Motiki-taeka 1:33

Ao a aki kona kaain te baronga are Nabetari ni kanakoia kaain Kanaan ake a maeka i Beta-temeti ao Beta-anata, ma a ti kairoroia kaain Kanaan b'a a na riki b'a aia toro. Ao a maeka kaain te baronga are Nabetari ma kaain Kanaan.

Tani Motiki-taeka 1:35

Ao a bon tiku naba ni maeka kaain Amora i aon te Maunga are Ereti, i Aiiaron, ao i Tiaarebim. Ao rimwi riki, ngke a rikirake ni korakora baronga ake Eberaim ao Manate, ao a kairoroia kaain Amora b'a a na riki b'a aia toro.