Iotua 15:8 - Te B'aib'ara

⁸ Ao e a manga tam'arake nakon te m'arua are Innom, are i maiakin te tabuki are mena iai aia kaawa I-Iebuti are Ierutarem. Ao e a manga ri aon te tabuki are i maeaon te m'arua are Innom are i meangin m'aruan Rebaim mai meang.

Iotua 15:8 Iomraidhean Croise

2.Tamuera 5:18

Ma ngaia are, a kaemb'a n te M'arua are Rebaim.

2.Tamuera 5:22

Tabeua te tai i mwiina, a manga oki kaain Biritia nakon aaba ake a tabukibuki ao a katei kaemb'a ni M'aruan Rebaim.

2.Uea 23:10

E kanakoia tabeman m'aane Iotia nakon te M'arua are Innom are i tinanikun Ierutarem ma ana taeka ae a na aki kariaiakaki baonikarea ikekei b'a b'aai n taromauri. N te aro anne, are a aki konaa iai aomata ni manga kamanenai i bukin kareanakin aia ataei nakon Moreka.

1.Rongorongo 11:4

E aranaki ngkoa Ierutarem n te tai anne b'a Iebuti, ao e kam'anangaa ana taanga ni buaka Iteraera te uea are Tawita ni buakana te kaawa anne.

2.Rongorongo 28:3

ao e anga karea n te M'arua are Innom. Ana bure ae e rangi ni buakaka ngke e anga oin natina te m'aane b'a ana karea, are bon te katei ae moan te buakaka ngkoa irouia te botannaomata ake a kanakoaki iroun te UEA mai aon Iteraera.

Neemia 11:30

Tanoa, Aturam, Rakiti, ao Ateka. A bon tekateka raoi n te kaawa ake man Beera-Teba i maiaki ni karokoa te M'arua are Innom i meang.

Itaia 17:5

E na riki Iteraera kaanga uitan taian tawaana n te M'arua are Rebaim aika a taiaki aika uita aika a itiaki.

Ieremia 19:14

Ao I nako Tobeta, ao I tuangiia aomata te b'ai are E taekinna te UEA. Ao i mwiina, I nako n rin ni katawanangin te Tembora ao I takaarua nako ia aomata ni kaangai,

Ieremia 19:2

nakon te M'arua are Innom, i tinanikun te Kaatiibu ae e Uruaki Ao tuangiia aomata Au taeka aika a kaangai:

Ieremia 19:6

Ma ngaia are, kam na taratara raoi! N te bong teuana ao e na aki manga aranaki te tabo aei b'a Tobeta ke te M'arua are Innom. E na aranaki b'a te M'arua n Tiritiri!

Iotua 15:63

Ao a uaia ni maeka aomatan Iuta ma I-Iebuti Ierutarem, ao n aki kona ni kakionakoia I-Iebuti mai Ierutarem. Ao anne bukina ae I-Iebuti a teimatoa ni maeka Ierutarem n reitaki ma aomatan Iuta.

Iotua 18:16

Ao e a manga biri rikaaki nako oin te maunga are e kaitaraa te m'arua are Innom, are i tabon te m'arua are Rebaim mai meang. E a manga nako aiaki n ri nanon te m'arua are Innom are i maiakin taberan maungan Iebuti ni kaineta rarikin Enrokera.

Iotua 18:28

Tera, Ereba, I-Iebuti (ke Ierutarem), Kibeata, ao Kiriata-iearim. Bon tebwi ma aua bootan kaawa aikai, ao bon iai naba kaawa aika a uarereke i rarikiia. Ao ai anne ngkanne te aba are a anganaki utuun te baronga are Beniamin b'a abaia i roun Iotua.

Tani Motiki-taeka 1:21

A maeka kaain Iebuti i Ierutarem, ma a aki konaaki irouia te baronga are Beniamin ke n tauaki aia kaawa irouia. Ao bon anne bukina are a bon tiku naba ni maeka kaain Iebuti i Ierutarem i rarikiia kaain te baronga are Beniamin.

Tani Motiki-taeka 1:8

A buakana Ierutarem ma n taua, a tiringiia aomata ni kabane, ao a kabuokia ni kamaunaa.

Tani Motiki-taeka 19:10

Ma e baaireia kanoan Rewi b'a e na aki manga tiku n te tairiki arei. E katokai kaintekatekan aon ana aati, ao a m'ananga nako ngaia ma buuna ao ana toro ni karokoa Iebuti, are e aranaki ni boong aikai b'a Ierutarem.