Iotua 15:7 - Te B'aib'ara

⁷ Ao maikanne e a manga birirake nako m'aruan te kangaanga nako Tebira, ao e manga nako iang ni kaitaraa Kirekara, are kaaitaraa kawain Arummim are i maiakin te m'arua, ao e a manga waaki nakon te koburake n ran are i Entemeti, ao e a manga otinako nako Enrokera.

Iotua 15:7 Iomraidhean Croise

2.Tamuera 17:17

Ao a nako n tataninga Ionatan ma Aimaati i rarikin te koburake n ran i Rokera b'a a ribaa norakiia i Ierutarem. Ao e nakon te koburake n ran te aine ae te tia m'akuri ao e anganiia te rongorongo are a na kaongoa Tawita.

1.Uea 1:9

Ao Atoniia e kaoiia tarina nako ma ana aobitia nako Tawita ma Iuta b'a a na iria nakon te B'a are Toreta are i rarikin koburaken ranin Rokera, ike e anga iai ana karea tabeua tiibu, kaom'aane, ao kaao ataei aika a marika.

Itaia 65:10

A na taromauriai ao N na kairiia aia tiibu ma aia nanai ni kao ni kawakinia i Aoraoin Tiaron i maeao ao i nanon M'aruan te Kaangaanga i mainiku.

Otea 2:5

E aki kakaonimaki tinam. E rangi ni b'ainrang ao e taku, “N na biri n rimwiia au tangira A bane n roko b'aai mairouia kanau ma nimau, kunnikaiu te riinen ao te burae n tiibu, au b'a n oriwa ao te wain.”

Iotua 10:43

I mwiin anne ao a oki Iotua ma ana taanga ni buaka nakon aia kaemb'a are i Kirekara.

Iotua 15:15

Ao i mwiina, e a manga buakaniia aomata Kareb'a ake a maeka i Tebira, are e aranaki ngkoa te kaawa aei b'a Kiriata-tebera.

Iotua 15:6

E a manga wairio te tia mai tabon taari are mate mai meang nako Beta-Okera, ao e a manga biri rimeangini Beta-Araba, ao e aerake nako atiibun Boan are natin Reuben.

Iotua 18:17

E a manga b'aoua nako iaang nako Entemeti ni manga birinako Kerirota ni kaaitaraa kawain Arummim. E a manga ruorikaaki te tia nakon atiibun Boan (Boan bon natin Reuben te m'aane)

Iotua 4:19

A ri nanon te Ioretan aomata ni katebwinan bongin te moan nam'akaina. Ao a kaemb'a i mainikun Ieriko i Kirekara

Iotua 7:24

A taua Akan aomatan Iteraera, ao a anaa te tirewa ma te kunnikai, ao te m'akoro ni koora, ni ikotaki naba ma natina m'aane, ao natina aine, ma ana nanai ni kao, ma ana aati, ma ana tiibu, ma ana auti n rianna, ao ana b'ai ni kabane, ao a uoti nakon te m'arua are M'aruan te kaangaanga.

Iotua 7:26

Ao a katabukirakei atiibu i aona, ao bon akekei naba atiibu ni karokoa boong aikai. Ao bon anne bukina ngkai e aranaki te tabo arei b'a M'aruan te kaangaanga. Ao e a toki unin te UEA i rouia aomatan Iteraera ngke e a mate Akan.