Iotua 14:4 - Te B'aib'ara

⁴ E aki karekea tib'angaia te baronga are Rewi Moote n te aba ae buubura, ma e karekei aia kaawa ike a na maeka iai, ao e karekei naba aia tawaana i bukin aia nanai ni man.

Iotua 14:4 Iomraidhean Croise

Karikani B'aai 41:51

Ao e taku, “E a tia te Atua ni karaoai b'a N na m'anuokin rawaawatau ma ni katoka ururingaia ana utu tamau ni kabane.” Ma ngaia are, e arana ana karimoa te mm'aane b'a Manate.

Karikani B'aai 41:52

Ao e taku naba, “E a tia n anganai natiu te Atua n te aba ae I rawaawata iai;” ma ngaia are, e arana natina te mm'aane are te kauoman b'a Eberaim.

Karikani B'aai 46:20

A riki natin Ioteb'a uoman mm'aane i Aikubita, aika Manate, ao Eberaim irouni buuna are Nei Atenata, are natin Botibera te aine, are te ibonga ae rietaata i Erioboriti.

Karikani B'aai 48:1

Ao i mwiin tabeua te tai, ao e a tuangaki Ioteb'a b'a e a aoraki tamana. Ma ngaia are, e kairiia natina mm'aane ake uoman ake Manate ao Eberaim, ao a nako ni kawara Iakob'a.

Karikani B'aai 48:5

Ao e reitanako ana taeka Iakob'a ao e taku, “Ioteb'a, au b'ai natim mm'aane ake uoman ake a bungiaki i Aikubita i m'aain rokou; ake Eberaim ao Manate. A na riki b'a kaanga ai aroia natiu mm'aane ake Reuben ao Timeon.

Karikani B'aai 48:6

Ngkana a manga riki natim mm'aane ake uoman, ao a na aki atongaki b'a au b'ai; a na ti b'aib'ai i mwiiu ake a riki mairouia Eberaim ao Manate.

2.Rongorongo 30:1

E aki karaoaki te Toa are te Riao n te moan nam'akaina, are bon te tai are e kaakaraoaki iai,

Warekaia Iteraera 26:28

M'aitiia m'anen te baronga are Manate

Iotua 16:4

Ao a anganaki ana kariki Ioteb'a, ao te baronga are Eberaim ao Manate i maeao te aba aei b'a abaia.