Iotua 13:8 - Te B'aib'ara

⁸ A kaman tia n anganaki abaia te baronga are Reuben, ao Kaata, ao iteran te baronga are Manate n aaba ake i mainikun te karaanga are te Ioretan i roun Moote are ana toro te UEA.

Iotua 13:8 Iomraidhean Croise

Warekaia Iteraera 32:19

E na riki te aba ae n iteran te Karaanga are te Ioretan aei b'a abara, ao ti aki manga tangira abara n te itera ane teuana.

Te Tua-Kaua 3:8

“A tia n tautaekana te abanuea are Amora are i mainikun te Karaanga are te Ioretan uea ake Taion ao Oka. E moa abaia man te Karaanga are te Arenon i maiakin te Maunga are Oman are i meang, ao a reke iroura ni kabane.

Iotua 12:1

I m'ain maten Moote, ao a kataenikaia uea aika uoman n aaba ake i mainikun te Ioretan. Ueea aikai a tia n tautaekanii aono ake man te m'arua are Arenon ni karokoa maungan Amon are i meang, n reitaki ma iteran mainikun te karaanga are te Ioretan.

Iotua 12:6

A taenikai uea aika uoman aikai i roun Moote ma aomatan Iteraera. Ao e anga abaia uea aikai Moote nakoia barongan Iteraera ake Reuben, ma Kata ao nakoia naba iteran te baronga are Manate b'a abaia.

Iotua 13:7

Ma ngaia ae ngkai, manga tib'aa te aba i marenaia ruaiwa te baronga, ao iteran te baronga are Manate b'a ai bon abaia.”

Iotua 13:9

E roko tian abaia te baronga are Reuben i Aroera (i mataniwiin te m'arua are Aroera), ao te kaawa naba are i nukan te m'arua naba anne, ao ni kabane aaba ake a aoraoi mai Meteb'a nako Ribon.

Iotua 22:4

Ao ngkai E bon teimatoa te UEA ae Atuami ni kaawakin ana berita i bukin te rau, n ai aron are e taekinna naba ngkoa nakoia raomi ake baronga ake tabem'aang. Ma ngaia ae kam na nako n okiri abami are kam abanna are i mainikun te Ioretan are e a tia n anganingkami Moote are Ana toro te UEA.

Iotua 4:12

A kawaekoaia n rimoaia aomata tibun Reuben, ma Kata, ma iteran te baronga are Manate ma aia b'ai ni buaka n aron are e a tia n tuangiia Moote.

1.Tamuera 13:7

Ao tabeman a nakon te kaawa are Kata ma Kireata n iteran te Karaanga are te Ioretan are teuana. Ao e tiku Tauro i Kirekara, ao a rangi n ruru ni maaku ana tautia,