Iotua 13:31 - Te B'aib'ara

³¹ Ao Moote e angan kaaingan iteran te baronga are Manate, ake kanoan Makira are natin Manate abaia are iteran Kireata ma kaawa aika Atiterota ma Eterei are atuun ana tautaeka te uea are Oka i Batian.

Iotua 13:31 Iomraidhean Croise

1.Rongorongo 6:71

E anganaki te kaainga are Kerition mairoun te baronga are Manate Mainiku uoua kaawa aika: Koran are i Batian, ao Atiterota, n reitaki ma aaba aika a raoiroi uteuteia ake i rarikiia.

Taian Areru 60:7

Bon abau Kireata, ao abau naba aban Manate; otangan atuu Eberaim, ao Iuta ai aroni m'akau n tautaeka.

Etekiera 48:4

i marenan taian abanuea ake Tamateko ao Amata.

Iotua 12:4

A kataenikaia naba te uea are Oka, are uean B'atian Moote ma aomatan Iteraera are bon ngaia temanna nikiraia Rebaim. E maeka i Atitarota, ao i Eterei.

Iotua 13:12

N ikotaki naba ma aban te uea are Oka, are nikiraia taian Rebaim, are a tautaekana Atitarota ao Eterei. A kaman taenikai aomatan aaba aikai i roun Moote, e kakioia nako.

Iotua 13:32

Ao anne aron Moote n tib'atib'ai aaba ake i mainikun Ieriko ao te Ioretan ngke e mena n te aba are aoraoi are Moaba.

Iotua 17:5

Ao bon anne bukina ngkai tebwina aban te baronga are Manate n reitaki ma are i Kireata ao Batian i maeaon te karaanga are te Ioretan,

Iotua 17:6

e ngae ngke kanoana aika aine ma kanoana aika m'aane anganaki abaia. Te aba ae Kireata a bane n anganaki nako ia nikiran te baronga are Manate.

Iotua 9:10

ao arona naba nakoia uean Amora ake uoman i mainikun te Ioretan: Oka are uean Batian, are e maeka i Atitarota, ao Taion are uean Etibon.

Tani Motiki-taeka 10:6

I nanon te tai ae aki maan, ao a manga moanna n aki ongotaeka Iteraera nakon te UEA ni manga taromauriia B'aara, Nei Atiterota, ao atuan Turia, Titon, Moaaba, Ammon, ao Biritia.

Tani Motiki-taeka 5:17

A tiku kaain Kireata ni iteran te Karaanga are te Ioretan. E aera kaain te baronga are Taan ngkai a tiku i aon aia kaibuke ao kaain te baronga are Atera a tiku i mataniwiin taari i rarikin taiani matabaiawa?

1.Tamuera 12:10

Ao a manga tang naba nakon te UEA ami bakatibu i bukin buokaia. Ao a taku, “Ti a tia ni bure! Ti aki tataromauriko, ara UEA, ao ti a manga moana taromaurian B'aara ao Nei Atiterota. Ma ngkana Ko kamaiura ngkai mairouia ara kairiribai, ao ti na manga taromauriiko.”

1.Tamuera 7:3

Ao n te bong teuana, ao e tuangiia Iteraera Tamuera ni kaangai, “Ngkana kam bon kan rairaki nakon te UEA, ao kam na anganai kakoauaana, b'a kam na kanakoi atuaia ianena, ni ikotaki naba ma te atua te aine are Nei Atiterota. Rairaki nakon te UEA ma nanomi ni kabane ao taromauriia n ti Ngaia. Ao ane na kamaiungkami mairouia kaain Biritia.”