Iotua 13:16 - Te B'aib'ara

¹⁶ Tian abaia mai maiaki bon te kaawa are i nukan te m'arua are Arenon, ma te kaawa are Aroera, are i mataniwiin te m'arua anne mai meang, ni karokoa aaba ake a aoraoi ake i meang i rarikin Meteb'a.

Iotua 13:16 Iomraidhean Croise

2.Tamuera 24:5

A ri nanon te Karaanga are te Ioretan ao a moanna mai Aroera ao te kaawa are i nuukan m'aruan te karaanga. Ao a waaki nako Kata maikanne, ao n reitia nako ni karokoa Iatera.

1.Rongorongo 19:7

Tenibwi ma uoua te ngaa te taanga ni buaka, ao ai uana naba ma te uea are Maaka ma ana taanga ni buaka, ake a roko ni katei maeka i rarikin Meteb'a. Ao a kiitana naba aia kaawa ana taanga ni buaka Ammon man roko naba ni katauraoi nakon te buaka.

Itaia 15:4

A tang aomata mai Etibon ao Ereare, ao e ongo te aba mai Iaati; A takaarua n tang taani buaka mai Moaaba ngke a ruru ni maaku.

Warekaia Iteraera 21:26

E a tia n tautaekana Etibon te uea are Taion, i mwiin konaakiia kaain Moaba irouna, ma anaakin abaia are i meangin te Karaanga are Arenon.

Te Tua-Kaua 3:12

“I anga tabeua te aba mai buakon aaba ake ti taui nakoia te baronga are Reuben, ao Kaata. E moanaki tib'aia mai meangin te kaawa are Aroera are e kaan ma te Karaanga are te Arenon, ni ikotaki ma tabeua kaawan Kireata ake a kirimaungaunga.

Iotua 12:2

Temanna mai buakoia bon Taion, uean Amora are e maeka i Etibon. E reke iteran Kireata are maiaki i nanon aban te uea are Taion; mai Aroera (i etan te m'arua are Arenon) ao man te kaawa are i nukan te m'arua, ni karokoa te karaanga are Iaboka, are tian abaia te baronga are Amon.

Iotua 13:15

Ao Moote e anganiia abaia utuun te baronga are Reuben.

Iotua 13:17

E reke naba Etibon i nanon abaia, ma taian kaawa naba ake taabo ake a aoraoi ake: Ribon, ma Bamota-b'aara, ma Beta-b'aara-meon,

Iotua 13:9

E roko tian abaia te baronga are Reuben i Aroera (i mataniwiin te m'arua are Aroera), ao te kaawa naba are i nukan te m'arua naba anne, ao ni kabane aaba ake a aoraoi mai Meteb'a nako Ribon.

Iotua 14:3

E a bon kaman baaireia Moote b'a a na abana mainikun te Ioretan barongan Iteraera ake uoua ma te iterana (a bwenauaaki nakon uabaronga kanoan Ioteb'a b'a: Manate ao Eberaim).

Iotua 18:7

Ma e ngae n anne ao akea tib'aia tibun Rewi ae a na anganaki b'a abaia n ai aromi, i bukina ngke bon iai tib'aia are bon Ana ibonga te UEA ngaiia. Ao a bon tia naba n reke tib'aia te baronga are Kata, Reuben, ao Manate i mainiku, n aaba ake i mainikun te Ioretan n aron are e a tia ni karaoia ana toro te UEA are Moote nakoia.”

Tani Motiki-taeka 11:26

A tia ni maeka Iteraera i Etibon ao Aroera ao ni kaawa aika uarereke ake i rarikiia, ma kaawa ake i mataniwiin karaangan te Arenon ae uarereke i nanon te maan ae 300 te ririki. E aera ngkai ko aki tataningaa te tai aei ni iangoa kaokakina ngkana ko taku b'a bon abam?

1.Tamuera 30:28

Aroera, Tibemota, Etitemoa,