Iotua 13:14 - Te B'aib'ara

¹⁴ Ao e aki karekea abaia te baronga are Rewi Moote b'a bon tuangana i roun te UEA, i bukina ngke bon iai tib'aia man taian karea nakon te UEA are Atuaia Iteraera.

Iotua 13:14 Iomraidhean Croise

Etekiera 44:28

Boni Ngai ae N na katauraoi b'aai nako i bukiia ibonga, ma ngaia ae, e na akea tib'aia n te aba are e na riki b'a oin abaia.

Etekiera 44:29

Ma, e na reke irouia iteran taian karea ake taian uita, ao ai uana naba ma m'akoron te karea i bukin te bure ao te karea are kaetan b'aai. A na anganaki naba b'aai ni kabane i aon Iteraera ake a tia ni katabuaki b'a Au b'ai.

Te Tua-Kaua 10:9

Ao E berita te UEA b'a E na teimatoa ni karekei aia b'ai kanoan Rewi, ao boni ngaia anne bukina ae E aki anganiia iai abaia, ngke E tib'atib'a te aba i aoia taiani baronga.

Te Tua-Kaua 12:12

ngkami ma ami utu, ao ami toro, ao kam na bootaki n te tabo n taromauri, b'a E a tia te UEA ae Atuami n anganingkami te totokanikai ni b'aai ni kabane aika kam a tia ni karaoi.

Te Tua-Kaua 12:19

Ma kam na ti aki kana raraan te man, katinakoa moa raraana i aon tano.

Iotua 13:13

Ma e ngae n anne, ao a aki kona ni kakioia nako aomatan Keturi ma Maakata aomatan Iteraera ngaia are a kaai ni maeka ma ngaia ni karokoa boong aikai.

Iotua 13:15

Ao Moote e anganiia abaia utuun te baronga are Reuben.

Iotua 13:33

Ma e aki anga te aba teuana Moote nakoia te baronga are Rewi, ma e tuangiia b'a ai tib'angaia naba taian karea nakon te UEA are Atuaia Iteraera.

Iotua 18:7

Ma e ngae n anne ao akea tib'aia tibun Rewi ae a na anganaki b'a abaia n ai aromi, i bukina ngke bon iai tib'aia are bon Ana ibonga te UEA ngaiia. Ao a bon tia naba n reke tib'aia te baronga are Kata, Reuben, ao Manate i mainiku, n aaba ake i mainikun te Ioretan n aron are e a tia ni karaoia ana toro te UEA are Moote nakoia.”