Baana are natin Airuta te m'aane are e tararuai kaawa ake i Taanaka ao Mekito. E tararua naba te aba are i Beta-Tean ni bane are i rarikin te kaawa are Taretan, are i meangin Ietireera, mai Beta-Tean nako Abera-Meora nakon iteran Iokemeam are teuana.
Ane a na ure ueen taian rereua n taabo nako ao a na anenei kuuna aika a kakukurei. A na kakannato n ai aron te Maunga are Reb'anon, ao ni mimitong kaanga te Maunga are Karemera ke te M'arua are Tiaron. Ane a na bane aomata nako n noora kamimiin mimitongin te UEA ae Atuara.
Aikubita, bon te Uea ni koaua Ngai, te UEA Ae Moan te M'aaka, ngkai bon iai Ngai a na rietaata i aom kairiribai akana a buakaniko kaanga te Maunga are Tabora i buakon taian tabuki ke te Maunga are Karemera i rarikin taari.
Aikai kaawan te kawanua ni m'akoro are e anganaki naba te baronga are Iuta b'a abaia; kaawa ake n taabo ake a rietaata i mainiku i maiakin aaba ake a tabukibuki aika kaawa aika: Maon, Karemera, Tiba, Iuteta, Ietireera, Tanoa, Kain, Kibea,
Ma ngaia are Iteraera a rinei tenua kaawa ni kamauri i maeaon te karaanga are te Ioretan. Aikai kaawa akanne: Keteti i Kariraia n aaba ake a tabukibuki i Nabetari, Tekem n aaba ake a tabukibuki i Eberaim, ao Eberon n aaba ake a tabukibuki i Iuta.
A anganaki naba tenua aia kaawa man abaia te baronga are Nabetari aika: Keteti i Kariraia, ma ana tawaana n uteute (te kaawa ni kamauri teuana), Ammotatora, ao Karetan, ma aia tawaana n uteute.
