Iotua 11:3 - Te B'aib'ara

³ Ao e kanakoi naba ana taeka nakon uean Kanaan ake i mainiku ao i maeao, nakoia taian Amoraite, ma te baronga are Eta, ma taian Beritaite, ma Iwaite ake i aan te maunga are Oman n te aba are Mitib'a.

Iotua 11:3 Iomraidhean Croise

Karikani B'aai 31:49

Ao e taku naba Raab'an, “Ke E tarataraira te UEA ngkana ti a raure nako.” Ma ngaia are, e aranaki naba te tabo arei b'a Mitib'a.

2.Tamuera 24:16

Ao i m'aain tokina, a tia ni mate itibwi te ngaa aomata. Ao ngke kaanga e nang urua Ierutarem te anera, E a manga uringa nanona te UEA i bukin te karawaawata are E a tia ni karokoa ao E taku nakon te anera, “E a bati n tau anne! Tai katoka baim i aoia.” E riki te b'ai aei n te tabo ni kaaki kunni uita are ana b'ai Arauna are kaain Iebuti.

2.Tamuera 24:7

Ao a roko n nonon Turo, ao a manga ri nanon aia kaawa nako kanoan Iwa ao kanoan Kanaan. Ao kabaneana, a nako Beerateb'a are n Rereuan i Iuta mai maiaki.

1.Uea 15:22

Ao e tuangiia aomata ni kabane i Iuta b'a a na uotinako ni kabane atiibu ma kaai ake e kaboonganai Baatia are e kamatoa te kaawa iai. Ao e kaboonganai atiibu ma kaai naba akekei ni kamatoa iai te kaawa are Keeb'a are n aban Beniamin ao te kaawa are Mitib'a.

1.Uea 9:20

Ao e aki kairoroia Iteraera Toromon ni karaoa ana m'akuri. E karaoia b'a ana tautia, ana aobitia, ana taani kairiiri, ana mataniwi n tautia, ana taan toka i aoni kaanibuaka, ao ana taani kabuti kaanibuaka. Ao e karaoia kaain Amora, kaain Eta, kaain Beriti, ao kaain Iebuti ake a maeka i Iteraera. Bon aikai kanoaia i anena ake a aki konaa Iteraera ni kamaunaia, ao a tiku n riki b'a aia toro Iteraera.

Taian Areru 133:3

Ai aron te aoi i aon te maunga are Oman, ngkana e ruon aoni maungan Tion. Ao anne te tabo are E tua te kab'aia iai te UEA, ae taekan te maiu ae akea tokina.

Taian Areru 89:12

Ko kariki aaba nako i aang ao nako aiaki; A anene ni kim'areirei nakoim Tabora ma Oman.

Ana Anene Toromon 4:8

Au kainrou, Ti na kaai ni kiitana Reb'anon! ti na kaangai ti a boo nakon te Maunga are Amana, Tenira, ao Oman, ike a mamaeka iai raian ma reeb'ari i nanon taian nangananga ni b'a.

Ieremia 40:10

N na tiku ngai ikai i Mitib'a b'a N na mamaroroo ma aobitian B'aburon ni katoa rokoia. Ma ngkoe ko na nako n okira am kaawa nako ma n uotaamai uaan te tai, ao i mwiina, ko kaawakina te wain, b'aan te oriwa, ao taian uanikai aika a m'au.”

Ieremia 40:6

I iangoia b'a N na tiku i rarikiia kaain Iuta, ao I nako ni maeka i rarikin Ketaria i Mitib'a.

Ieremia 41:14

ao a rairaki ni biri nakon Ioanan.

Ieremia 41:3

Ao i mwiina, a tiringiia taian Iutaia ake raon Ketaria, ao a bon tiringiia naba tautian B'aburon ake a mena ikekei.

Warekaia Iteraera 13:29

Ao i rarikin anne, a maeka kanoan Amareka n te Rereua are i Maiaki, ao a maeka kaain Eta, kaain Iebuti, ao kaain Amora n aaba ake a tabukibuki, ao a maeka kaain Kanaan i mataniwiin Taari are te Mereterenian, ao mataniwiin naba te karaanga are te Ioretan.

Te Tua-Kaua 4:48

ni moa man te kaawa are Aroera i mataniwiin te Karaanga are te Arenon, i meangin te Maunga are Oman.

Te Tua-Kaua 7:1

Kaain Iteraera, E na buokingkami te UEA ae Atuami n anaa te aba mairouia kaain Eta, kaain Kirekate, kaain Amora, kaain Kanaan, kaain Beriti, kaain Iwa, ao kaain Iebuti. A m'aiti riki ma ni korakora botannaomata aika itiua aikai nakoia Iteraera, ma ngkana kam buakaniia,

Iotua 11:17

Ao a taui taekan aaba akekei Iotua ma aomatan Iteraera ni moa man te maunga are Araka i rarikin aban Etom ake i maiaki ni karokoa B'aara-kata are ni m'aruan Reb'anon i aan te maunga are Oman are i meang.

Iotua 11:8

Ao e anga te tokanikai te UEA nakoia Iteraera, ao a buakaniia aia kairiribai ma ni kakioia nako iaang ni karokoa Metirebotamaim, ma Titon, ao ni waerake naba ni karokoa m'aruan Mitibe. E bon waaki nako te buaka ni karokoa a bane raoi ni mate aia kairiribai.

Iotua 13:11

Ni ikotaki naba ma te baronga are Kireata, ma aban nako Keturi, ma Maakata, te maunga are Oman ni kabane, ma Batian ni kabane ni karokoa Tareka.

Iotua 13:5

A tuai reke naba abaia I-Keeb'ara, ma Reb'anon ni kabane ake i mainiku, ni moa mai B'aara-kata, are i maiakin te maunga are Oman nako kawain Amata.

Iotua 15:38

Riran, Mitibe, Ioketeera,

Iotua 15:63

Ao a uaia ni maeka aomatan Iuta ma I-Iebuti Ierutarem, ao n aki kona ni kakionakoia I-Iebuti mai Ierutarem. Ao anne bukina ae I-Iebuti a teimatoa ni maeka Ierutarem n reitaki ma aomatan Iuta.

Iotua 18:26

Mitibe, Kebira, Mota,

Iotua 3:10

E na katotoroianako mai i m'aaimi kaain Kanaan, ma kaain Eta, ma Iwaite, ma Beritaite, ma Kirekataite, ma Amoraite ao kaain Iebuti. Ao ane kam na ataia b'a E memena te Atua ae maiu i buakomi

Tani Motiki-taeka 20:1

Ao a tewea boowin aia botannaomata Iteraera. Ao a karaoa aia kabowi n te tabo n taromauri are i Mitib'a i bukina ngke bon ana Aomata te Atua ngaiia. Ao a bane n roko m'aane aika a tau nakon te nakoa n tautia mai aon Iteraera ni kabane--mai Taan i meang, Beerateb'a i maiaki, ao Kireata i mainikun te Ioretan. 400,000 taiani m'aane ake a roko i Mitib'a, ao a bane n ti te bo aia namakin n aia m'akuri kaain te baronga are Beniamin. Ao e roko rongorongon te kabowi arei irouia kaain te baronga are Beniamin. Ao n te tai are a roko iai n aia tabo taani kairiiri man taiani baronga nako, ao a taku Iteraera, E kanga n riki te aro aei?

Tani Motiki-taeka 21:5

Ao a titirakiniia i bon irouia ni kaangai, Iai mai buakoia barongan Iteraera ae aki roko nakon te tabo n taromauri? Ti a tia ni karaoa ara berita ae tabu b'a ane aki roko n te bowi i Mitib'a ao e na tiringaki.

Tani Motiki-taeka 21:8

Ao a manga titiraki riki Iteraera, Iai te baronga ae aki roko n tain te bowi are karaoaki i Mitib'a? Ao i mwiin te ititiraki i bon i marenaia, ao a kunea b'a ngaia a aki roko kaain Iabeti are i Kireata.

Tani Motiki-taeka 3:3

kaain Biritia ma aia taan tautaeka ake nimaua, ao ai uana naba ma kaain Kanaan, kaain Titon, ao kaain Eta ake a maeka ni Maungan Reb'anon man te Maunga are B'aaraoman nako Kawain Amata.

Tani Motiki-taeka 3:5

Ma a rawa. Ao E bon karaoa naba aei te UEA i bukiia kaain Kanaan, kaain Eta, kaain Amora, kaain Beriti, kaain Iwa, ao kaain Iebuti ake a maeka n taabo nako i rarikiia. Ao a iein tabeman Iteraera ma kaain botannaomata aikai, ao bon anne moan reken taromauriaia atua riki tabeman irouia.

1.Tamuera 10:17

Ao e kanakoa te rongorongo Tamuera nakoia Iteraera b'a ana bootaki i Mitib'a b'a a na kaaitibo ma te UEA.