Iotua 11:23 - Te B'aib'ara

²³ A reke aaba ni kabane i roun Iotua n ai aron ana taeka te UEA ngkoa nakon Moote. E anga aaba ni kabane Iotua nakoia Iteraera b'a abaia, ao e tib'atib'ai i aon aia baronga n tatabeua nako. Ao a motirawa aomatan Iteraera man te buaka.

Iotua 11:23 Iomraidhean Croise

Neemia 9:24

Ao i mwiina, a taua te aba aia bakatibu. Ko buokiia ni kataenikaiia taiani uea ao botannaomata ma ni karaoa are a bon taku nakoia aia kairiribai.

Taian Areru 46:9

E katoki taiani buaka i aon aaba nako; E otei kainikatebe ma kanoani kainikatebe; Ao E kabuoki n te ai taian otanga

Te Otinako 34:11

N na kairoroia ni kanakoia kaain Amora, kaain Kanaan, kaain Eta, kaain Beriti, kaain Iwa, ao kaain Iebuti, ao kam riai ni karaoa te b'ai ae I mwiokoingkami iai n te bong aei.

Etekiera 45:8

E na riki te tabo aei b'a tib'an te tia tautaeka n abaia Iteraera, b'a e aonga n aki manga karawaawataia aomata, ma e na anga nikiran te aba nakoia barongan nako Iteraera.

Te Tua-Kaua 1:38

E na onea mwiim Iotua, N na kariaia Iotua are te tia buokiko b'a e na kairiia Iteraera n taua te aba. Ma ngaia are, ko na kaungaa nanona.”

Te Tua-Kaua 25:19

E na buokingkami te UEA ae Atuami n taua te aba, ao E na anganingkami te rau. Ma ngkana e roko te bong arei, ao kam na riai n tiringiia kaain Amareka n akea nikiraia naba temanna, b'a a aonga n akea manga uringakiia ae a maiu, ngke a mena ngkoa ikanne.

Iotua 11:18

E buaka Iotua ma uean aaba aikai i nanon te tai ae moan te maan, ma a bon bane ni konaaki i rouna, ao e tiringiia ni kabane.

Iotua 12:7

A bane n taenikai uean aaba ake i maeao i roun Iotua ma aomatan Iteraera, ni moa mai B'aara-kata are ni m'aruan Reb'anon ni karokoa te maunga are Araka are i maiaki i rarikin Etom. Ao e tib'atib'ai aaba aikai Iotua i aon barongan nako Iteraera b'a ai bon abaia.

Iotua 18:10

Ao e karaoa te katekeraoi Iotua i bukin kakaean nanon te UEA i bukin tib'aakin te aba arei nakoia nikiraia aomatan Iteraera.

Iotua 22:4

Ao ngkai E bon teimatoa te UEA ae Atuami ni kaawakin ana berita i bukin te rau, n ai aron are e taekinna naba ngkoa nakoia raomi ake baronga ake tabem'aang. Ma ngaia ae kam na nako n okiri abami are kam abanna are i mainikun te Ioretan are e a tia n anganingkami Moote are Ana toro te UEA.

Iotua 23:1

Ao ngke e a bon maan, ao e anga te rau te UEA i marenaia Iteraera ma ana kairiribai i nanon ririki aika a bati, ao e a bon rangi ni kara Iotua n te tai aei,