Iotua 11:21 - Te B'aib'ara

²¹ N te tai aei ao e a m'ananga Iotua n tiringiia te reeti n aintoa teuana ae a aranaki b'a Anakim ake a maeka n aaba ake a tabukibuki, i Eberon, ma Tebira, ma Anaba, ao n aaba naba ni kabane ake i Iuta ma ake i Iteraera. E bon kabaneia n tiringiia Iotua ma ni kamaunai aia kaawa ake a korakora.

Iotua 11:21 Iomraidhean Croise

Ieremia 3:23

Ti taromaurii bouannanti i aon taian tabuki ao e korakora karongoaara, ma bon akea manenaia boni Ngkoe ae Ko konaa ni kamaiura.

Ieremia 9:23

E taku te UEA: Kam na aki kamoamoa i bukin wanawanami ke korakorami ke kaub'aimi.

Amota 2:9

“I bon kamaunaia I-Amoraite ni kabane aika aomata aika a rietaata n ai aroia kaai aika tiira, ao man korakora naba n ai aroia kaai aika Oke: I karaoa aei i bukimi Au aomata.

Warekaia Iteraera 13:33

Ao ti bon nooriia raoi kaain Nebiri ake boni ngaiia aia bakatibu kaain Anaka. A bon rangi ni buubura n te aro are ti a taku b'a kaanga ai aron taian taake ngaira.”

Te Tua-Kaua 1:28

Ti a rangi ni maaku i bukina b'a a taku koraki ake a nako n tuoa te aba b'a a rangi ni buubura kaawa akekei, ma ooia aika rietaata nako karawa. Ao a ab'ab'aki man korakora riki aomata ake a maeka ikekei nakoira, ao bon taian Anakim tabeman mai buakoia. Bon akea te tabo ae ti na nako iai.”

Te Tua-Kaua 2:21

Te baronga ae te Tamtummim boni te baronga ae a korakora kaanga taian Anakim. Ma E buokiia kaain Ammon te UEA, ao a tiringiia kaain te baronga are tamtummim aika m'aiti, ao a kairoroia nikiraia b'a a na nako. Ao i mwiina, a tekateka kaain Ammon ikekei.

Te Tua-Kaua 9:2

Tabeman mai buakoia aomata aikai, a riki mairouia taian Anakim. Kam bon atai aron korakoraia ma marurungiia, ao kam na bae n tia naba n ongongo taekaia b'a a bon tuai mani konaaki n te buaka.

Iotua 10:42

E buakan ma n taui kaawa aikai Iotua ni m'anangana ae ti teuana, kioina ngke E raonna te UEA ae Atuaia Iteraera ni buaka i bukiia.

Te Kaotioti 6:2

Ao I taratara nako, ao noria, te aoti ae mainaina! Ao teuare toka i aona iai te kai ni katebe i rouna. Ao e anganaki te baunuea; ao e tokara ana aoti n nako b'a ai aron te tia buaka ae tokanikai.

Tani Motiki-taeka 1:20

Ao a angan kaawan Eberon kaain Iuta nakon Kareb'a n aron are e tuangiia Moote. E kataenikaiia kaain Anakim aika tenua aikai ma n taui kaawana.