Iotua 11:20 - Te B'aib'ara

²⁰ Bon te UEA ae kataningabonoia ma ni kakorakorai nanoia ni kan buakaniia Iteraera b'a aonga n tiringaki n akea te nanoanga ma ni kamaunaaki i rouia aomatan Iteraera n ai aron ana taeka te UEA nakon Moote.

Iotua 11:20 Iomraidhean Croise

2.Tamuera 17:14

Ao a kukurei riki Abetarom ma aomata nako n ana iango Utiai nakon ana iango Aitobera. E riki aei b'a E karaoa ana iango Aitobera te UEA b'a e na aki b'ai b'a e aonga n reke te kangaanga nakon Abetarom.

1.Uea 12:15

Ao ngke a ataia aomata b'a e aki kan ongo Reoboam irouia ao a takaarua ni kaangai, Ti na aki kakaonimaki nakon ana utu Tawita. Ti a kona ni karaoa are ti bon tangiri, nakomai Iteraera. Ti a okira mwengara. Ke e bon tautaekaniia ake bon oin ana botannaomata Reoboam. E mataniwi Atoram i aoia reib'a ake a kam'akuraki ma te matoa, ao e kanakoaki iroun Roboam b'a e na taetae nakoia aomata. Ma a karebanaia aomata n te atibu ni karokoa matena, e a manga birinako Roboam nakon ana kaa ni buaka ao e kawaekoaa n okira Ierutarem. Ma ngaia are, a okira mwengaia aomatan te baronga are meang mai Iteraera, ao a katuka Roboam b'a e na tii tautaekaniia kaain te kaawa are Iuta. Ao a teimatoa aomatan Iteraera ni moa man te bong anne ni kakaitaraa ana utu Tawita i Iuta. A bane n riki b'aai aikai n aron are e tia n tuanga Ieroboam ana burabeti te uea are Aiia.

2.Rongorongo 22:7

Bon i nanon te kaaitibo anne are E a tiringa iai Aatia te Atua. Ngke e roko Aatia i Ietireera, ao e nako ma Ioram ni kaaitibo ma Ieu are tibun Nimti te m'aane. E a kaman tuanga Ieu te UEA b'a e na tiringiia m'aane ni kabane aika ana utu Aaba,

2.Rongorongo 25:16

Ma I m'aain banen ana taeka te burabeti, ao e a kamangaoa naba Amatia man taku, “Bon tiaki ngkoe ara tia iango temanna! Ko na aki manga taetae, b'a I kaawa n tiringko.” E toki ana taeka te burabeti. Ao e a manga taku, “Ko karaoa te bure, ao ngkai ko a manga aki kan ongo n au kauring, E bon rangi n teretere raoi b'a e nang katuaaeko te Atua!”

Te Otinako 10:1

Ao i mwiina, e taku te UEA nakon Moote, “Naako noora te uea. I a tia ni kataningabonoa ma ana mataniwi, b'a I aonga ni karaoi taian kakai i buakoia

Te Otinako 11:10

Ao a karaoi taian kakai Moote ma Aaron i matan te uea, ma e bon kataningamatoaa te UEA, ao e na bon aki kanakoia Iteraera b'a a na kiitana abana.

Te Otinako 14:17

N na karaoia kaain Aikubita b'a a na rangi n taningamatoa n te aro are a na bon waaki naba n rimwimi, ao e na manga karineaki naba arau i bukin au tokanikai i aon te uea ma ana taanga ni buaka, ana kaa ni buaka, ao ana taan kabuti kaa ni buaka.

Te Otinako 14:4

N na karaoia b'a e na taningamatoa, ao e na manga kakioingkami, ao e na riki au tokanikai i aon te uea ma ana taanga ni buaka b'a karineau. Ane a na ataia iai kaain Aikubita b'a bon te UEA Ngai. Ao a karaoa are a tuangaki Iteraera.

Te Otinako 14:8

Ao e tao rimwiia Iteraera ake a m'ananga nako ma te kakatonga te uea, i bukina ngke a boni kataningamatoaaki i roun te UEA ae te Atua.

Te Otinako 4:21

Ao E taku te UEA nakon Moote ngke e tabe ni m'ananga i aoni kawaina: Ngkana ko roko i Aikubita, ko na nakon te uea ao ko na karaoi am kakai ake I a tia ni kaoti nako im. Ma N na karaoia b'a e na rangi ni taningamatoa n te aro are e na rawa ni kanakoia au aomata.

Te Otinako 9:12

Ma te Atua e karika te uea ae B'arao b'a e na taningabono n aron are E a tia n taekinna b'a e na aki kan ongo B'arao iroun Moote ma Aaron.

Te Otinako 9:16

N na kamaiungkami i bukin kaotan m'aakau nako imi b'a e aonga ni buta nako taekau ni kabutaa te aonnaba.

Itaia 14:24

E a tia ni karaoa te berita aei te UEA ae Moan te M'aaka: A na koro bukin b'aai nako aika a I a tia ni baairei n aron are I taekinna.

Itaia 34:2

E a rangi ni un te UEA irouia botannaomata ni kabane; E a tia ni kabuakakaia b'a a na tiringaki.

I-Rom 9:18

Ma ngaia ae E nanoangaea ae E kan nanoangaia te Atua, ao E kamatoatoa nanon ane E kani kamatoatoa.

Te Tua-Kaua 2:30

Ma e rawa Taion ni kariaia b'a ti na ri nanon abana, i bukina b'a E boni karikia te UEA b'a e na taningamatoa, ma ni ingainga ni kan buakaniira.

Te Tua-Kaua 7:16

Ngkana E buokingkami te UEA ni kataenikaiia ami kairiribai, ao kam na riai n tiringiia n aki manga nanoangaiia. Ao kam na aki m'ane ni manga taromauri atuaia.

Tani Motiki-taeka 14:4

N taai akanne, a tautaekanaki Iteraera irouia kaain Biritia, ao E karaoa aei te UEA b'a E na karekea te mangao i marenaia. Ao bon anne bukina are E karaoa iai Tamton b'a e na tangira te aine arei.

1.Tamuera 2:25

Ngkana kam kaikoaka te aomata temanna, ao E kona te Atua ni manga kaeti b'aai i marenami ni kauoman. Ma ngkana kam karaoa te bure nakon te UEA, ao bon akea ae kona ni buokingkami!” Ma te UEA e a kaman iangoi tiringakiia. Ngaiare e kamatoai nanoia n aki kan ongo b'anaan tamaia.