Iotua 11:2 - Te B'aib'ara

² ao nakoia naba uean aaba ake tabukibuki ake i meang, ma ake ni m'aruan te Ioretan ake i maiakin te nama are Kariraia, ao nakon naba aaba ake a rinano, ma aaba naba ake i mataniwiin taari, i rarikin Tora.

Iotua 11:2 Iomraidhean Croise

1.Uea 15:20

Ao Benatata, e karaoa te b'ai are e buubutii iai Ata ao e kanakoia tautian Turia nako Iteraera. A taua te kaawa are Iion, Taan, ao Abera-Betamaaka, ao aban Kinnerota ao Nabetari.

1.Uea 4:11

Natin Abinataba te m'aane e tararua Nabata-Tora, ao e mare ma natin Toromon te aine are Nei Tabata.

Warekaia Iteraera 34:11

ao ni manga biri rikaaki nako Ribera are i mainikun Ain. Ao mai ikekei, e na manga nakoaiaki nakon taian tabuki ake i mainikun te Nama are Kariraia,

Ruka 1:39

E aki maan i mwina, ao e tei rake Nei Maria ao e kawaetata n nako n te kawa teuana ae mena n te tabo ae tabukibuki i Iuta,

Ruka 5:1

N te tai teuana, ao E tei Iesu i rarikin te nama are Kennetareta, ao a karib'a aomata i bukini kan ongoraaia n ana taeka te Atua.

Iotua 10:40

E taua aonteaba ni kabuta Iotua. E bane ni konaia uean aaba ake a tabukibuki, ma aaba ake a rinano ake i maeao, ake n Rereuan Maiaki ao n te aono are e karaabee rikaaki nakon Taari are Mate. Bon akea ae e kamaiua, b'a e bon bane n tiringiia b'a bon ana mwioko te UEA ae Atuaia Iteraera.

Iotua 10:6

A kanakoa aia taeka aomatan Kibeon nakon Iotua ngke e kaemb'a i Kirekara ao e kaangai, “Tai kitaniira, taiaoka kawaekoa n nakomai ni kamaiura, b'a a kabooi nanoia uean Amoraite ake aaba akea tabukibuki ni buakaniira.”

Iotua 11:16

E taui aaba ni kabane Iotua ake a tabukibuki, ma aaba naba ake a rinano ake i maeao, ao ake i maiaki, ma taabo ni kabane ake i Koten, ma te aba are e m'auteretere are i maiaki, ao n reitaki naba ma m'aruan te Ioretan.

Iotua 11:21

N te tai aei ao e a m'ananga Iotua n tiringiia te reeti n aintoa teuana ae a aranaki b'a Anakim ake a maeka n aaba ake a tabukibuki, i Eberon, ma Tebira, ma Anaba, ao n aaba naba ni kabane ake i Iuta ma ake i Iteraera. E bon kabaneia n tiringiia Iotua ma ni kamaunai aia kaawa ake a korakora.

Iotua 12:23

Tora (i mataniwiin taari), Koiim (i Kariraia),

Iotua 12:3

E reke naba i nanon abana m'aruan te Ioretan man te nama are Kariraia nako aiaki nako B'atemoti (i mainikun taari are mate) ni kaineta oin te maunga are Bitika.

Iotua 13:27

Ao Kata e reke i rouna iteran te Ioretan are mai mainiku, are e tautaekanaki ngkoa i roun te uea are Taion, are maeka i Etibon. E biri nako iaang te aba aei n toki n namani Kariraia ao a reke i nanona kaawa aika: Beta-aram, Beta-nimra, Tukota ao Tabon.

Iotua 17:11

Ao e b'aini naba kaawa aika buubura te baronga are Manate ake i nanon m'akoron te baronga are Itakara ao te baronga are Atera, aika kaawa aika: Beta-tean, ao Ibeream ma kaawa naba aika a uarereke ake i rarikiia, ao ni ikotaki naba ma te kaawa are Tora (te kaawa are i rarikin taari), Entora, Taanaka, Mekito, ao kaawa ake i rarikiia nako.

Tani Motiki-taeka 1:27

A maeka kaain Kanaan n taiani kaawa aika Beta-tean, Taanaka, Tora, Ibeream, Mekito, ao kaawa ni kabane ake i rarikiia. A aki kan nako kaain Kanaan, ao a aki kona te baronga are Manate ni kanakoia. Ma i mwiin te tai ae maan, ngke a tabe ni korakora Iteraera, ao a karikiia kaain Kanaan b'a aia toro.