Iotua 10:40 - Te B'aib'ara

⁴⁰ E taua aonteaba ni kabuta Iotua. E bane ni konaia uean aaba ake a tabukibuki, ma aaba ake a rinano ake i maeao, ake n Rereuan Maiaki ao n te aono are e karaabee rikaaki nakon Taari are Mate. Bon akea ae e kamaiua, b'a e bon bane n tiringiia b'a bon ana mwioko te UEA ae Atuaia Iteraera.

Iotua 10:40 Iomraidhean Croise

1.Uea 15:29

E kaangai ngkoa ana taeka Ana burabeti te UEA are Aiia, Bon akea temanna mai buakoia m'anen ke ataeinim'aanen ana utu Ieroboam ae e na tiku ni maiu. Ma ngaia are, ni bon te tai are e uea iai Baatia, ao e kabaneia n tiringiia ana utu Ieroboam,

Neemia 9:24

Ao i mwiina, a taua te aba aia bakatibu. Ko buokiia ni kataenikaiia taiani uea ao botannaomata ma ni karaoa are a bon taku nakoia aia kairiribai.

Taian Areru 9:17

A na nako Tiore akana buakaka, nakon abaia maate n raoniia akana a rawa nakon te Atua.

Te Otinako 34:12

Kam na aki karaoa te iraorao ma temanna mai buakoia aomata aikai. Ngkana kam karaoa anne, ao e na riki b'a te m'aruarua ni kam'ane.

Warekaia Iteraera 13:17

Ao e taku Moote nakoia i m'aain kanakoaia nako Kanaan: Ngkana kam a tia n ri nanon Rereuan Kanaan are i maiaki, ao kam na reita nako kawaimi nako iang ni karokoa kam roko n aaba ake a tabukibuki,

Te Tua-Kaua 1:7

Kam na kiitana ikai nako abaia kaain Amora ma kaain rarikiia ake kaain Kanaan. A reke i nanon te aba aei aaba aika M'aruan te Karaanga are te Ioretan, te aba are e tabukibuki, aaba ake a rinano ake i maeao, Rereuan Maiaki, mataniwiin Taari are te Mereterenian, Maungan Reb'anon, ao aaba ni kabane ni karokoa te Karaanga are te Iuberetiti.

Te Tua-Kaua 2:34

Ao i mwiina, ti taui ma ni kamaunai kaawa ni kabane ake n abanuean Taion, ma n tiringiia aomata ni kabane,

Iotua 10:35

A taua te kaawa n te bong naba arei, ao a tiringiia kaaina ni kabane, n ai aron are a karaoia naba ngkoa nakon Rakiti.

Iotua 10:37

ao a taua te kaawa. A tiringa te uea ma aomatana ni kabane ake iai, n reitaki naba ma kaawa ake i rarikina nako. Ao e urubekea te kaawa Iotua n akea nikirana, n ai aron are e karaoia naba ngkoa nakon te kaawa are Ekeron. Bon akea temanna ae e reke maiuna.

Iotua 10:39

E taua te kaawa ma ueana, ma kaawa nako ake i rarikina. A tiringiia aomata ni kabane. Bon ti te arona are e karaoia Iotua ngkai ma are e karaoia naba ngkoa nakoia uean ma aomatan Eberon ma Ribena.

Iotua 11:16

E taui aaba ni kabane Iotua ake a tabukibuki, ma aaba naba ake a rinano ake i maeao, ao ake i maiaki, ma taabo ni kabane ake i Koten, ma te aba are e m'auteretere are i maiaki, ao n reitaki naba ma m'aruan te Ioretan.

Iotua 12:8

A reke naba i nanon abaia aaba ake a tabukibuki, ma aaba ake a rinano ake i maeao, ma aaba ake ni m'aruan te Ioretan, ao ake i oin taian tabuki ma aaba ake n te karabee ake i mainiku, ma aaba ake a m'auteretere ake i maiaki. Bon mwengaia ngkoa te baronga are Eta, taian Amoraite, ma te baronga are Kanaan, ma taian Beritaite, ma Iwaite, ao Iebuti aaba aikai.

Iotua 18:21

Kaawa aika a buubura ake a reke i nanon abaia utuun te baronga are Beniamin bon Ieriko, Betaokera, Emeka Ketiti,

Iotua 6:17

A na bane ni kamaunaaki b'aina ni kabane aika i nanona, b'a taian karea nakon te UEA, ma bon ti te kabekaau are nei Raaba ae e na kamaiuaki ma kaain ana auti ni kabane i bukina ngke e karabaia ara taan tutuo ni karaba.

Iotua 8:2

Ko na tiringa uean Ai n ai aron are ko karaoia naba ngkoa nakon uean Ieriko, ma n te tai aei ngkanne ao kam nang kaawakin kaub'aina nako ma manna b'a ai bon ami b'ai. Katauraoi ngkami b'a kam na kakubanakoia ni buakaniia mai akuiia.

Iotua 8:27

Ao a kaawakin b'aai ma maan aomatan Iteraera ake a reke i rouia n tatabemaniia nako b'a ai bon aia b'ai, n aron ana taeka Iotua.

Iotua 9:24

Ao a kaeka aomatan Kibeon ao a kaangai, “E tuanga Ana toro are Moote te UEA ae Atuami b'a kam na tiringiia aomata ni kabane aika a maeka ikai, ao kam na anaa naba abaia b'a abami. Ti maaku b'a kam na tiringiira naba ma ngaia are ti a m'am'anaai ngkami i bukin karekean te boraraoi n raoi ma ngaira.