Iotua 10:4 - Te B'aib'ara

⁴ “Nakomai b'a kam na buokai ni buakana Kibeon b'a a tia ni karaoa te boraraoi n raoi ma Iotua ao aomatan Iteraera.”

Iotua 10:4 Iomraidhean Croise

Mataio 16:24

E taku ngkanne Iesu nakoia ana reirei, “Ngkana iai ane kan ri mwiu, ao e na kakeaa i bon i rouna, e na uota ana kaibangaki, ao e na irirai.

Ioane 15:19

Ngkana ana b'ai te aba ngkami, ao e na tangiringkami b'a e tangiriia ana b'ai; ma ngkai tiaki ana b'ai te aba ngkami, ao I rineingkami mai iai, ao bon aei bukina ae e ribaingkami iai te aba.

M'akuri 21:28

Ao a takarua ni kaangai, “Mm'aane aika Iteraera, buokira! Aio te aomata are reireiia aomata n taabo nako b'a a na ekianako ara aomata aika Iteraera, ma te Tua, ma te tabo aei; ao e kairiia naba I-Erene ni kariniia n te Tembora, ao e kam'araea te tabo ae tabu aei!”

2.Timoteo 3:12

Ao ane a na bane ni b'ainikirinaki naba akana kani kabane aia bong ni maiu n iraorao ma te Atua ngkai a reitaki ma Kristo Iesu;

Iakobo 4:4

Ngkami aika kanga ainenum'a aika taani wene ni bure, kam aki ataia b'a te iraorao ma b'ain te maiu aei bon ribaan te Atua? Ma ngaia aei, b'a ane kan i raorao ma b'ain te maiu aei, ao e riki b'a ana kairiribai te Atua.

Iotua 10:1

Ao e ongo Atoniteteka are uean Ierutarem, aron Iotua ngke e taua te kaawa are Ai, ma ni kamaunaa ma n tiringa te uea n ai aron are e karaoia naba ngkoa nakon te kaawa are Ieriko ma ueana. E ongo naba rongorongoia aomatan Kibeon are a raoi ma Iteraera ao a maeka i buakoia Iteraera.

Iotua 10:5

Ao a ikoti aia taanga ni buaka uean Amoraite ake niiman; are uean Ierutarem, ma uean Eberon, ma uean Rakiti, ao uean Ekeron ao a katobibia Kibeon ao a buakanna.

Iotua 9:15

Ao e karaoa te boraraoi n raoi Iotua ma aomatan Kibeon ao e kamaiuia. Ao a karaoa aia berita ae matoa aia taan kairiri aomatan Iteraera b'a kaanga kamatoaan te boraraoi n raoi arei.

1.Betero 4:4

A mimi ngkai kam aki raoniia n aroia ni kabatia te maiu-buaka n aron are a kakaraoia; ao a taetaebuakaingkami.

Te Kaotioti 16:14

bon tamneia taimonio aika kakaraoi kanikina; ao a kawariia uea nako i aonnaba, b'a a na ikotiia nakon te buaka n te Bong are kakannato are ana bong te Atua ae Moan te M'aaka.