Iotua 10:32 - Te B'aib'ara

³² E anga te tokanikai te UEA nakoia Iteraera i aoia Rakiti n te bong are i mwiina. Bon akea temanna ae a kamaiua; a tiringiia kaain te kaawa ni kabane, n ai aron are a karaoia naba ngkoa nakoia aomatan Ribena.

Iotua 10:32 Iomraidhean Croise

Te Otinako 17:13

Ao anne aron reken tokanikain Iotua i aoia kaain Amareka.

Itaia 37:8

Ao i nanon te tai arei, ao e ongo mataniwin te taanga ni buaka n Aturia b'a e a tia n nako ana uea ni kiitana te kaawa are Rakiti ao ngkai e a buakana Ribena. Ma ngaia are, e a manga nako ikekei.

Te Tua-Kaua 7:2

E na buokingkami te UEA ni kanakoia man te aba. Ao i mwiina kam na tiringiia n aki manga nanoangaiia teutana. Kam na aki karaoa te boraraoi n raoi ma ngaiia,

Iotua 10:28

Ao e a manga buakana Maketa ma ueana Iotua ma n taua n te bong naba arei. E tiringiia aomatan te kaawa ni kabane. Ti te bo te m'akuri are e karaoia nakon uean Maketa ma are e karaoia naba ngkoa nako uean Ieriko.

Iotua 10:31

I mwiin anne, ao e a manga m'ananga nako Iotua ma ana taanga ni buaka ni buaka mai Ribena nako Rakiti; a katobibia te kaawa ao a buakanna.

Iotua 10:33

Ao e roko uean Keeta are Oram b'a e na buoka Rakiti, ma e konaaki naba n te buaka i roun Iotua.

Iotua 11:12

E bane n taui kaawa aikai Iotua ma ueaia, ao e tiringiia aomatana ni kabane, n ai aron ana mwioko Moote are ana toro te UEA nakoina.