Iotua 10:30 - Te B'aib'ara

³⁰ Ao e a manga katokanikaia naba aomatan Iteraera te UEA i aon te kaawa arei ma ueana. Bon akea temanna ae kamaiua, a bane n tiringiia kaain te kaawa ni kabane. Ao a manga karaoia naba nakon Ribena te b'ai are a karaoia naba ngkoa nakon uean Ieriko.

Iotua 10:30 Iomraidhean Croise

2.Uea 10:11

Ao i mwiin arei, ao e bane n tiringiia ni bane Ieu ana koraki Aaba ake a maeka i Ietireera, n reitaki ma ana mataniwi ake kabanea n rietaata, ana ibonga, ao raoraona ake e rangi n reitaki ma ngaiia, bon akea temanna man ana utu Aaba ae tiku ni maiu i Ietireera.

Warekaia Iteraera 32:22

ao ngkana E tia te UEA ni buokiia Iteraera n taui aaba, ao kam a kona ngkanne n okira abami ngkana kam tangiria.

Te Tua-Kaua 2:33

ao E buokiira te UEA ae Atuara ni kataenikaiia. Ti tiringa Taion, ma natina m'aane, ao kaain ana taanga ni buaka ni kabane.

Te Tua-Kaua 7:2

E na buokingkami te UEA ni kanakoia man te aba. Ao i mwiina kam na tiringiia n aki manga nanoangaiia teutana. Kam na aki karaoa te boraraoi n raoi ma ngaiia,

Iotua 10:28

Ao e a manga buakana Maketa ma ueana Iotua ma n taua n te bong naba arei. E tiringiia aomatan te kaawa ni kabane. Ti te bo te m'akuri are e karaoia nakon uean Maketa ma are e karaoia naba ngkoa nako uean Ieriko.

Iotua 10:29

I mwiin anne ao e a manga m'ananga nako Iotua ma ana taanga ni buaka mai M'aketa nako Ribena; a katobibia te kaawa ao a buakanna.

Iotua 10:31

I mwiin anne, ao e a manga m'ananga nako Iotua ma ana taanga ni buaka ni buaka mai Ribena nako Rakiti; a katobibia te kaawa ao a buakanna.

Iotua 11:12

E bane n taui kaawa aikai Iotua ma ueaia, ao e tiringiia aomatana ni kabane, n ai aron ana mwioko Moote are ana toro te UEA nakoina.

Iotua 12:15

Ribena, Aruram,

Iotua 8:24

A bane n tiringaki aia kairiribai Iteraera n te tabo ngkoa are a kakioaki nako iai, ake aaba ake a rereua. Ao a manga okira Ai n tiringiia kaaina ni kabane.

Iotua 8:29

E kabaea roroan uean Ai n te aroka tekaina, ao e katikua ikekei ni karokoa e bong. Ngke e a bung taai ao e a tuatua b'a e na anaaki rab'atana, ni karenakoaki i mataroan te kaawa are Ai. Ao a tauna rab'atan n taian atiibu aika korakora, are e bon tiku naba ikanne ni karokoa boong aikai.

Iotua 9:3

Ma a tia n ongo aomatan Kibeon, ake Iwaite rongorongon te b'ai are e karaoia Iotua nakon Ieriko ma Ai.