Iotua 10:29 - Te B'aib'ara

²⁹ I mwiin anne ao e a manga m'ananga nako Iotua ma ana taanga ni buaka mai M'aketa nako Ribena; a katobibia te kaawa ao a buakanna.

Iotua 10:29 Iomraidhean Croise

2.Uea 19:8

Inanon te tai anne, ao e ongo mataniwiin ana taanga ni buaka Aturia ae e a tia ni kiitana te kaawa are Rakiti te uea ao e a buakana ngkai Ribena. Ma ngaia are, e a manga nako ikekei.

2.Uea 8:22

E aki te roko ni manga taua taekan Etom te aba are Iuta. E ngae ngke e kakaitaraaki naba irouia kaain te kaawa are Ribena n taai akekei.

2.Rongorongo 21:10

ao e aki manga reke tautaekanakin Etom iroun Iuta. E bon kakaitaraaki naba n te kaawa are Ribena n te tai anne. A riki baikai i bukina ngke e a tia n tannako Ioram mairoun te UEA, te Atua are a tia n taromauriia aia bakatibu.

Itaia 37:8

Ao i nanon te tai arei, ao e ongo mataniwin te taanga ni buaka n Aturia b'a e a tia n nako ana uea ni kiitana te kaawa are Rakiti ao ngkai e a buakana Ribena. Ma ngaia are, e a manga nako ikekei.

Ieremia 52:1

Ai tib'a uabwi ma teuana ana ririki ni maiu Tetekia ngke e rineaki b'a te uea i aon Iuta, ao e tautaeka mai Ierutarem i nanon tebwi ma teuana te ririki. Tinana are Nei Amutara bon natin Ieremia te aine, Ieremia are man te kaawa are Ribena.

Warekaia Iteraera 33:20

i mwiina, Rimmon bereti,

Iotua 10:28

Ao e a manga buakana Maketa ma ueana Iotua ma n taua n te bong naba arei. E tiringiia aomatan te kaawa ni kabane. Ti te bo te m'akuri are e karaoia nakon uean Maketa ma are e karaoia naba ngkoa nako uean Ieriko.

Iotua 10:30

Ao e a manga katokanikaia naba aomatan Iteraera te UEA i aon te kaawa arei ma ueana. Bon akea temanna ae kamaiua, a bane n tiringiia kaain te kaawa ni kabane. Ao a manga karaoia naba nakon Ribena te b'ai are a karaoia naba ngkoa nakon uean Ieriko.

Iotua 12:15

Ribena, Aruram,

Iotua 15:42

Aikai kaawan te kaaua ni m'akoro are a anganaki naba utuun te baronga are Iuta b'a abaia, ake taian kaawa ake n taabo ake rinano i nukan te aba: Ribena, Etera, Atian,

Iotua 21:13

Ao aikai naba kaawa ake a anganaki naba kanoan Aaron ake ibonga i rarikin Eberon (te kaawa ni kamauri teuana): Ribena,

Iotua 6:21

A tiringiia kaain te kaawa ni kabane, aika m'aane ma aine, ao ataei ma kaara. A tiringiia naba maan ni kabane, aika kaao, tiibu ma taian aati n aia kabaang.

Iotua 8:2

Ko na tiringa uean Ai n ai aron are ko karaoia naba ngkoa nakon uean Ieriko, ma n te tai aei ngkanne ao kam nang kaawakin kaub'aina nako ma manna b'a ai bon ami b'ai. Katauraoi ngkami b'a kam na kakubanakoia ni buakaniia mai akuiia.

Iotua 8:29

E kabaea roroan uean Ai n te aroka tekaina, ao e katikua ikekei ni karokoa e bong. Ngke e a bung taai ao e a tuatua b'a e na anaaki rab'atana, ni karenakoaki i mataroan te kaawa are Ai. Ao a tauna rab'atan n taian atiibu aika korakora, are e bon tiku naba ikanne ni karokoa boong aikai.