Iotua 10:25 - Te B'aib'ara

²⁵ Ao e a manga taku Iotua nakoia ana aobitia, “Kam na tai maaku, ao tai koerikaaki. Kam na korakora ao kam na ninikoria, b'a bon aio te b'ai ae E na karaoia te UEAnakoia ami kairiribai ni kabane.”

Iotua 10:25 Iomraidhean Croise

Taian Areru 63:9

A na mate akana kataia ni kani kamateai; Ane a na roko i aantano n aia tabo maate.

Taian Areru 77:11

Te UEA, N na aki m'aninga taekani baike Ko a tia ni karaoi; N na ururing baike a kamimii ake Ko karaoi ngkoa.

I-Rom 8:37

Ma moan te tokanikai ngaira i aoni baikai ni kabane iroun Teuare tangirira.

2.I-Korinto 1:10

are ti kamaiuaki i Rouna man te mate are moan te kakamaaku, ao E na boni manga kamaiura naba maiai; ti a tia ni kawenea ara kaantaninga i Rouna b'a E na boni manga kamaiura naba,

I-Ebeto 6:10

Te kabanea: kam na korakora i nanon te UEA, ao ni korakorani m'aakana.

Te Tua-Kaua 7:19

Kam bon noora korakoran m'aakan te UEA ni karaoi taiani kakai ma ni kaotinakoingkami mai Aikubita. Ao E na manga bon karaoi naba m'akuri ni kakai i bukimi ngkana kam aitara ma ami kairiribai aika kam rangi n maakuia.

Iotua 1:6

Ko na korakora ao ko na ninikoria b'a ko na riki b'a aia tia kairiri aomata aikai ni karokoa te tai are a na tekateka raoi iai n te aba are I a tia ni berita b'a N na anganiia aia bakatibu.

Iotua 1:9

Uringa are I a tia n tuangko, b'a ko na korakora ma n ninikoria! Tai maaku, ao tai b'arannano, b'a N na raoraoniko n taai nako ao n taabo nako ike ko nako iai, Ngai ae te UEA ae Atuam.”

Iotua 10:8

E taku te UEA nakon Iotua, “Tai maakuia I a tia n anganingkami te tokanikai i aoia. Bon akea temanna mai i buakoia ae e na konaa ni kaaitarai ngkami.”

1.Tamuera 17:37

E a tia te UEA ni kamaiuai man ukinibain te raian ma te bea, ao E na bon kawakinai mani bain te I-Biritia aei. Ao e taku Tauro, “E raoiroi, ko na nako ni bo ma ngaia. Ao bon au kantaninga b'a E na kaawakiniko te UEA.”