Iotua 1:9 - Te B'aib'ara

⁹ Uringa are I a tia n tuangko, b'a ko na korakora ma n ninikoria! Tai maaku, ao tai b'arannano, b'a N na raoraoniko n taai nako ao n taabo nako ike ko nako iai, Ngai ae te UEA ae Atuam.”

Iotua 1:9 Iomraidhean Croise

Karikani B'aai 28:15

Uringnga b'a N na bon kakawakiniko n taabo nako ike ko nako iai, ao N na manga kaokiko nakon te aba aei. N na bon aki kitaniko ni karokoa I tia ni karaoi b'ai ni kabane ake I a tia ni berita iai.”

Karikani B'aai 39:2

Ao E mena te UEA iroun Ioteb'a, ao E kakab'aiaa. Ao e maeka Ioteb'a n ana auti tokan Aikubita temanna,

Karikani B'aai 39:3

are e nooria b'a E memena te UEA iroun Ioteb'a ma ni kakanakoraoi b'aai ni kabane ake e karaoi.

2.Tamuera 13:28

Ma e tuangiia ana taan m'akuri b'a a na kaaki mataia i aon Amnon. Ngkana e a reke angina teuana n te wain ma ni kukurei, ao N na anga te kanikina. Ao ngkami, kam a tiringnga naba! Boni Ngai ae I tuangkami b'a kam na karaoia, ma ngaia are, kam na aki maaku. Kam na korakora ao kam na ninikoria.”

1.Rongorongo 28:20

Ma ko riai ni kakoaua b'a a na karaoaki b'aai ni kabane n aron taian tamnei aikai. Ko na korakora ao ko na aki maaku n te b'ai teuana ke ni b'arannano. E na buokiko te UEA ae Atuau ni b'aai ni kabane akana a tangiraki i bukin katiaan te Tembora, b'a e aonga ni konaa ni kamanenaaki i bukin taromauriana.

2.Rongorongo 15:7

Ma ngaia ae ko na ninikoria. Ko na aki b'ara n nano! E na karineko te Atua i bukin ongotaekam i rouna.

Taian Areru 46:7

Bon raora te UEA ae Moan te M'aaka; Bon otangara Atuan Iakob'a.

Itaia 41:10

Ko na aki maaku. Bon raou ngkoe. Ko na aki ruru ni maaku. Bon Atuam Ngai. N na kakorakorako, ngkana I kamanoko ni baiu ma n anganiko taian tokanikai.

Itaia 43:1

Kanoan Iakob'a, Boni Ngai, ae I karikiko ma ni boboota ami botannaomata. Iteraera, ko na aki maaku. I a tia ni kamaiuko. I a tia ni weteiko n aram; ao ngkai ai au aomata ngkoe.

Itaia 43:5

Ko na aki maaku b'a I raoniko. N na ikotingkami mai mainiku ao maeao.

Itaia 8:12

Ko na tai boboota te iango ni kamangao ti i bukina ngke a karaoia, ao tai maaka te b'ai teuana, ti i bukina ngke a maaku.

Taniera 10:19

E taku, “E tangiriko te Atua, ma ngaia ae ko na aki raraoma ke ni maaku.” Ao ngke e a tia n taekin baikai, ao I a manga namakina riki rinin korakorau ao I taku, “Nao, tuangai b'aai ni kabane ake ko a tia n taekin, b'a ko a tia ni kakorakoraai.”

Akai 2:4

Ma kam na kukurei! I bukina b'a N na mena ikai Ngai ae te UEA ae Moan te M'aaka ni buokingkami n te m'akuri,

Akai 2:5

n aron are I a tia berita iai nakoia ami bakatibu ngke I kaotinakoia mai Aikubita. Kam na aki raraoma. E na mena iroumi Tamneiu iroumi ikai.

M'akuri 4:19

Ma e kaekaia Betero ma Ioane ni kaangai, “Kam na karekei ami iango b'a e nga ae e raoiroi riki i matan te Atua: iran nanomi ke iran nanon te Atua;

Te Tua-Kaua 1:21

A b'ainna ngkai kaain Amora, ma E a anganiira ngkai ara UEA ae te Atua. Bon te Atua naba are a tataromauria ara bakatibu, ao E a tia n tuangiira b'a ti na anaa te aba aei, ma ngaia are, kam na aki raraoma, ke ni maaku.’ ”

Te Tua-Kaua 20:1

Ngkana kam nang nakon te buaka, ao kam nooria b'a e korakora riki aia taanga ni buaka ami kairiribai nakoimi, ao a m'aiti riki naba aia aoti, ma aia kaa ni buaka, ma kam na aki maaku. E a tia te UEA ae Atuami ni kamaiungkami mai Aikubita, ao E na boni buokingkami ni buaka.

Te Tua-Kaua 31:23

Ao E taku te UEA nakon Iotua, Ko na ninikoria, ao ko na korakora. N na buokiko ni kairiia Iteraera nakon te aba are I a tia ni berita iai nakoia.

Te Tua-Kaua 31:28

Ma ngaia are, kam na weteia taani kairiiri ma aia aobitia barongan Iteraera, b'a N na uota te boki aei ma ni wareki taekana ni kabane nakoimi, ao N na wetea karawa ma aonnaba b'a taani kakoaua b'a kam atai b'aai ni kabane aika kam kantaningaaki b'a kam na karaoi.

Iotua 1:10

Ao e tuangiia ana taan kairiri Iotua

Iotua 1:17

Ti na ongotaeka raoi i roum n ai arora ngkoa ngke ti ongotaeka raoi naba i roun Moote, ao ke E mena i roum te UEA ae te Atua n ai arona naba ngkoa ngke E mena iroun Moote!

Iotua 1:18

Ane e aki karinea m'akam ma n rawa n ongo n am taeka ao e na tiringaki. Ko na korakora ao ko na ninikoria!”

Iotua 10:25

Ao e a manga taku Iotua nakoia ana aobitia, “Kam na tai maaku, ao tai koerikaaki. Kam na korakora ao kam na ninikoria, b'a bon aio te b'ai ae E na karaoia te UEAnakoia ami kairiribai ni kabane.”

Iotua 10:8

E taku te UEA nakon Iotua, “Tai maakuia I a tia n anganingkami te tokanikai i aoia. Bon akea temanna mai i buakoia ae e na konaa ni kaaitarai ngkami.”

Iotua 3:7

E taku te UEA nakon Iotua, “Ane ko nang karineaki irouia aomatan Iteraera ni baika N na karaoi n te bong aei, ao a na kakoauaa b'a I bon buokiko naba n ai arou naba ngke I buoka ngkoa Moote.

Iotua 6:27

Ao te UEA e memena i roun Iotua, ao e tanoata kakannaton Iotua i aon Kanaan ni kabutaa.

Iotua 8:1

E taku te UEA nakon Iotua, “Ko na kairiia am tautia ni kabane ni waerakea te kaawa are Ai. Tai maaku ao tai b'ara n nano. N na anganiko te tokanikai i aon uean Ai. Ko na taua taekana ma ana aomata ma ana kaawa, ao abana.

Tani Motiki-taeka 6:14

Ao E taku te UEA, “Ko na korakora Kiteon, b'a I anganiko te m'aaka ni kamaiuia Iteraera mai rouia kaain Miiria.”

1.Tamuera 10:7

Ao ngkana a tia n riki baikai, ao kam na karaoi b'aai nako akana kam taku b'a a eti! E na buokingkami te Atua.