Iotua 1:6 - Te B'aib'ara

⁶ Ko na korakora ao ko na ninikoria b'a ko na riki b'a aia tia kairiri aomata aikai ni karokoa te tai are a na tekateka raoi iai n te aba are I a tia ni berita b'a N na anganiia aia bakatibu.

Iotua 1:6 Iomraidhean Croise

Karikani B'aai 12:7

Ao E kaoti te UEA nakon Aberam, ao E taku, “Bon aio te aba are N nang anganiia am kariki.” Ao e karaoa te baonikarea Aberam i bukin te UEA are E kaoti ngkoa nakoina.

Karikani B'aai 26:3

Maeka ikai, ao N na memena iroum ma ni kakab'aiako. N na anganiko te aba aei ni kabutaa, ao nakoia naba am kariki. N na bon kakoroa bukin te berita are I karaoia ngkoa ma tamam are Aberaam.

2.Tamuera 10:12

Ko na ninikoria ao kakorakorako ni kaawakiniia ara aomata ao ana kaawa te Atua. Bon au tataro b'a E na karaoi b'aai nako te UEA ae e kukurei iai.”

1.Uea 2:2

Natiu i aoni kawaiu ni mate n aroia aomata nako ma I tangiriko b'a ko na korakora ma n ninikoria.

1.Rongorongo 22:13

Ngkana ko ira nanon Ana tua nako ma ana reirei ake E a tia te UEA n angan Moote, ao ko na bon tetekeraoi. Ko na korakora ao ko na ninikoria ao e na aki b'ab'ara nanom ke ni maaku ni b'aai nako.

1.Rongorongo 28:10

E a tia n rineiko te UEA b'a te tia katea te Tembora i bukin taromauriana. Ko na korakora ni karaoa am m'akuri ae ko a tia n anganaki.

1.Rongorongo 28:20

Ma ko riai ni kakoaua b'a a na karaoaki b'aai ni kabane n aron taian tamnei aikai. Ko na korakora ao ko na aki maaku n te b'ai teuana ke ni b'arannano. E na buokiko te UEA ae Atuau ni b'aai ni kabane akana a tangiraki i bukin katiaan te Tembora, b'a e aonga ni konaa ni kamanenaaki i bukin taromauriana.

2.Rongorongo 15:7

Ma ngaia ae ko na ninikoria. Ko na aki b'ara n nano! E na karineko te Atua i bukin ongotaekam i rouna.

2.Rongorongo 20:11

Ao ngkai a roko b'a a na manga kaoka te aba are ko anganiira.

2.Rongorongo 20:7

Atuara, ko kanakoia botannaomata ake a maeka n te aba aei i m'aain riniia am aomata aika Iteraera ikai, ao ko anganiia ana kariki raoraom are Aberaam n aki toki.

Taian Areru 27:14

Ko na kaantaninga te UEA, Ko na korakora ma n ninikoria; Ko na kaantaninga te UEA.

Taniera 10:19

E taku, “E tangiriko te Atua, ma ngaia ae ko na aki raraoma ke ni maaku.” Ao ngke e a tia n taekin baikai, ao I a manga namakina riki rinin korakorau ao I taku, “Nao, tuangai b'aai ni kabane ake ko a tia n taekin, b'a ko a tia ni kakorakoraai.”

Akai 2:4

Ma kam na kukurei! I bukina b'a N na mena ikai Ngai ae te UEA ae Moan te M'aaka ni buokingkami n te m'akuri,

Tekaria 8:9

Bon te UEA Ngai ae Moan te M'aaka! Ma ngaia are, kam na aki b'arannano. Kam na iangoi au rongorongo ake a taekin au burabeti ngke e moan kaweneaki aan te Tembora.

Warekaia Iteraera 26:53

“Ko na tib'a te aba are Kanaan i aoia baronga aikai. Anga te tib'a ae buubura nakon te baronga ae buubura, ao angan te baronga ae uarereke tib'ana ae uarereke,

Warekaia Iteraera 33:53

Ao i mwiina, kam na maekana te aba---I a tia n anganingkami b'a abami.

1.I-Korinto 16:13

Kam na tatauraoi, kam na teimatoa n te onimaki, kam na nano ni mm'aane, ao kam na korakora.

I-Ebeto 6:10

Te kabanea: kam na korakora i nanon te UEA, ao ni korakorani m'aakana.

Te Tua-Kaua 1:21

A b'ainna ngkai kaain Amora, ma E a anganiira ngkai ara UEA ae te Atua. Bon te Atua naba are a tataromauria ara bakatibu, ao E a tia n tuangiira b'a ti na anaa te aba aei, ma ngaia are, kam na aki raraoma, ke ni maaku.’ ”

Te Tua-Kaua 1:8

I anganingkami ngkai te aba aei n aron are I a tia ni berita iai nakoia ami bakatibu ake Aberaam, Itaaka, ao Iakob'a. Kam na nako ngkai n taua te aba.’ ”

Te Tua-Kaua 11:8

Ae kam nang ri nanon te Karaanga are te Ioretan n te tai ae aki maan, ao ngkana kam ongotaeka nakon taian tua ma reirei aika I anganingkami n te bong aei, ao kam na bon anganaki te korakora i bukin tauan te aba

Te Tua-Kaua 31:23

Ao E taku te UEA nakon Iotua, Ko na ninikoria, ao ko na korakora. N na buokiko ni kairiia Iteraera nakon te aba are I a tia ni berita iai nakoia.

2.Timoteo 2:1

Ma ngaia aei, natiu, ko na korakora, n te akoi are reke ngkai ti reitaki ma Kristo Iesu;

Iotua 1:18

Ane e aki karinea m'akam ma n rawa n ongo n am taeka ao e na tiringaki. Ko na korakora ao ko na ninikoria!”

Iotua 1:7

Ko na korakora ma n ninikoria riki n toui mwiin tuua ni kabane ake e a tia n anganiko Au toro are Moote. Ngkana ko aki kaaki teuana mai i buakon tuua aikai ao e na bon iriiriko te tekeraoi n taabo nako ike ko nako iai.

Iotua 1:9

Uringa are I a tia n tuangko, b'a ko na korakora ma n ninikoria! Tai maaku, ao tai b'arannano, b'a N na raoraoniko n taai nako ao n taabo nako ike ko nako iai, Ngai ae te UEA ae Atuam.”

Iotua 10:25

Ao e a manga taku Iotua nakoia ana aobitia, “Kam na tai maaku, ao tai koerikaaki. Kam na korakora ao kam na ninikoria, b'a bon aio te b'ai ae E na karaoia te UEAnakoia ami kairiribai ni kabane.”

Iotua 13:6

Ni ikotaki naba ma abaia I-Titon ake a tuai reke naba i roumi ake a maeka n aaba ake tabukibuki, i marenan maungan Reb'anon ma Metirebotamaim. N na bane ni kakioia nako aomata aikai mai i m'aaia aomatan Iteraera ngkana a roko ni buakaniia. Ko na tib'aa te aba i aoia aomatan Iteraera, n ai aron Au mwioko ngkoa nakoim.

Iotua 18:3

Ao e taku Iotua nakoia aomatan Iteraera, “Tao ana manra riki ngkami n tataninga i m'ain rinimi ao n anaa abami are E a tia te UEA are Atuaia ami bakatibu n anganingkami b'a abami?

Iotua 21:43

Ma ngaia are e anganiia aomatan Iteraera ni kabane abaia te UEA n aron are E a tia n taekinna n ana berita ae tabu nakoia aia bakatibu b'a E na anganiia. Ao a bon maekanna b'a ai bon abaia.

Iotua 5:6

Bukin naba mateia b'a aki ongotaeka nakon te UEA. E baireia te UEA b'a bon akea temanna mai rouia m'aanen te roro arei ae e na noora te aba ae maiu reirei are kanoan ana berita nakoia aia bakatibu. Ao e bon koro bukin anne nako ia.

1.Tamuera 4:9

Kaain Biritia, kam na ninikoria ao kakorakoraingkami ni buaka! Ngkana kam aki ao ae a na tautaekaniira kaain Ebera aikai, n arora ngke ti tautaekaniia ngkoa. Kam na buaka ao kam na aki maaku.