Iotua 1:5 - Te B'aib'ara

⁵ Bon akea ae na kona n eekikonako ni karokoa matem. N na mena i roum n ai arou ngke I mena naba iroun Moote. N na memena i roum n taai nako. N na bon aki kiitaniko.

Iotua 1:5 Iomraidhean Croise

Karikani B'aai 39:2

Ao E mena te UEA iroun Ioteb'a, ao E kakab'aiaa. Ao e maeka Ioteb'a n ana auti tokan Aikubita temanna,

1.Uea 1:37

E bon tararuaiko te UEA n taai nako, ao bon au tataro b'a E na manga tararuaa Toromon ngkai. Tera ngke E buoka Toromon ni karikia b'a te uea ae korakora riki nakoim.

1.Uea 11:38

N na buokiko ngkana ko ongotaeka irou, ao ngkana ko karaoa naba te b'ai ae I tuangko n aron are e karaoia Au tia m'akuri are Tawita. N na teimatoa ni kakauea temanna ma am utu b'a e na uea i aon Ierutarem. E na riki te botannaomata ae Iteraera b'a am b'ai.

1.Uea 6:13

Ao N na maeka i buakoia au Aomata i nanon te Tembora ae ko karaoia aei, ao N na aki manga kitaniia.

1.Uea 8:57

E memena te UEA ae Atuara irouia ara bakatibu ni buokiia, ao I tataro b'a E na memena iroura man aki kikitaniira.

1.Rongorongo 28:20

Ma ko riai ni kakoaua b'a a na karaoaki b'aai ni kabane n aron taian tamnei aikai. Ko na korakora ao ko na aki maaku n te b'ai teuana ke ni b'arannano. E na buokiko te UEA ae Atuau ni b'aai ni kabane akana a tangiraki i bukin katiaan te Tembora, b'a e aonga ni konaa ni kamanenaaki i bukin taromauriana.

Taian Areru 46:11

Bon raora te Atua ae Moan te M'aaka, Bon otangara Atuan Iakob'a.

Te Otinako 3:12

Ao E kaeka te Atua ni kaangai, “N na memena i roum. Ao ane ko na ataia b'a boni Ngai ae I kanakoko, ngkana ko taromauriai i aon te maunga aei ngkana ko tia ni kaotinakoia Au aomata mai Aikubita.”

Itaia 42:16

N na kairiia aomata i aon taiani kawai aika a tuai atai; N na kaawakiniia i nanon te kawai aika a tuai man tootoua. E roo kawaia ao e aobuaka, ma n anga te oota b'a a aonga n aki toki waeia. Bon aei au berita ae e matoa.

Ieremia 1:8

I berita b'a N na mena iroum ao ni kaawakiniko, ma ngaia are, ko na aki maaku.”

Taniera 11:16

Ao tautian Tuuria a na karaoa are a bon taku nakoia, ao akea totokoaia. E na tei i aon te aba ni berita ma n taua ni kabane i aani m'aakana.

Mataio 28:20

ao n reireiniia b'a a na iri nanoni b'aai ni kabane ake I a tia n tuangngkami; ao noria, I a memena i roumi n taai nako ni karokoa tokin aonnaba.

I-Rom 8:31

Ao tera ngkanne ae ti na taekinna i bukini baikai? Ngkana raora te Atua, ao antai ae kona n ekira nako?

I-Rom 8:37

Ma moan te tokanikai ngaira i aoni baikai ni kabane iroun Teuare tangirira.

Te Tua-Kaua 20:1

Ngkana kam nang nakon te buaka, ao kam nooria b'a e korakora riki aia taanga ni buaka ami kairiribai nakoimi, ao a m'aiti riki naba aia aoti, ma aia kaa ni buaka, ma kam na aki maaku. E a tia te UEA ae Atuami ni kamaiungkami mai Aikubita, ao E na boni buokingkami ni buaka.

Te Tua-Kaua 20:4

E na buaka te UEA ae Atuami i rarikimi, ao E na buokingkami ni katokanikaingkami n te buaka.

Te Tua-Kaua 31:23

Ao E taku te UEA nakon Iotua, Ko na ninikoria, ao ko na korakora. N na buokiko ni kairiia Iteraera nakon te aba are I a tia ni berita iai nakoia.

Te Tua-Kaua 4:31

E na nanoangaingkami te UEA ae Atuami, E na bon aki tiringingkami ke ni kitaningkami. E na bon uringa ana Berita, ao E na bon kaawakina ana Boraraoi are E a tia ni karaoia ma ami bakatibu.

2.Timoteo 4:17

Ma E tei te Uea i rarikiu ao E kakorakoraai b'a N na taekina te euangkerio ae b'anin b'a a na ongo aomata aika tiaki I-Iutaia; ao I kamaiuaki man te mate.

Ebera 13:5

A na akea ni maiumi te baki tianti, ma a na rauaki nanomi ni baika iai i roumi. B'a E a tia ni kangai te Atua, “N na bon aki kakiko, Ao N na bon aki kitaniko.”

Iotua 1:17

Ti na ongotaeka raoi i roum n ai arora ngkoa ngke ti ongotaeka raoi naba i roun Moote, ao ke E mena i roum te UEA ae te Atua n ai arona naba ngkoa ngke E mena iroun Moote!

Iotua 1:9

Uringa are I a tia n tuangko, b'a ko na korakora ma n ninikoria! Tai maaku, ao tai b'arannano, b'a N na raoraoniko n taai nako ao n taabo nako ike ko nako iai, Ngai ae te UEA ae Atuam.”

Iotua 10:8

E taku te UEA nakon Iotua, “Tai maakuia I a tia n anganingkami te tokanikai i aoia. Bon akea temanna mai i buakoia ae e na konaa ni kaaitarai ngkami.”

Iotua 21:44

E anga te rau te UEA nakoia ni kabutaa aonteaba n ai aron are e a tia ni berita iai nakoia aia bakatibu. Bon akea riki ana kairiribai Iteraera ae kona ni manga eekaanako Iteraera b'a E angaanga te tokanikai te UEA nakoia Iteraera i aoia aia kairiribai ni kabane.

Iotua 3:7

E taku te UEA nakon Iotua, “Ane ko nang karineaki irouia aomatan Iteraera ni baika N na karaoi n te bong aei, ao a na kakoauaa b'a I bon buokiko naba n ai arou naba ngke I buoka ngkoa Moote.

Iotua 6:27

Ao te UEA e memena i roun Iotua, ao e tanoata kakannaton Iotua i aon Kanaan ni kabutaa.

Tani Motiki-taeka 2:18

Ao ngkana a karawawataaki maiuia Iteraera irouia aia kairiribai ao E na manga nanoangaia te UEA. E na rinea te tia motikitaeka ma ni buoka te tia motikitaeka anne ni kamaiuia Iteraera mai rouia aia kairiribai. E na bon nanoangaiia Iteraera te UEA i nanon ana tai ni maiu te tia motikitaeka.

Tani Motiki-taeka 6:16

Ao E taku te UEA, “Kiteon, ko kona ni kamaiuia Iteraera i bukina b'a N na buokiko. E na bon rangi ni beebete kataenikaiaia kaain Miiria b'a kaanga ai aron kataenikaian te aomata ae ti temanna.”

1.Tamuera 10:7

Ao ngkana a tia n riki baikai, ao kam na karaoi b'aai nako akana kam taku b'a a eti! E na buokingkami te Atua.