Iona 4:2 - Te B'aib'ara

² Ao e tataro, “Te UEA, tiaki b'a bon aei te b'ai ae I kaman tuangko i m'aain kitanan mwengau b'a ko na bon karaoia? Ao bon anne bukina are I karaoa iai au kabanea n raoiroi ni biri nako Tibein! B'a I ataia b'a bon te Atua n Tangira ao n Akoi ngkoe. Ko aki kakaiun, Ko nanoanga, man tauraoi ni bita nanom, man aki karekekai.

Iona 4:2 Iomraidhean Croise

1.Uea 19:4

ao e a manga m'ananga i nanon teuana te bong nakon te rereua. Ni karokoa e a roko n te buakoako teuana ae korakora ao e a tekateka i aan nuuna. E a tataro ni buubutii nakon te UEA ni kaangai, “E a bati n tau. An tiringai. A kakab'aiaki riki au bakatibu nako iu.”

Taian Areru 103:8

E nanoanga te UEA ao E tatangira; E iremwe n un ao E on n te Tangira ae Teimatoa.

Taian Areru 145:8

E akoi te UEA ao E nanoanga, E aki kakai un ao E bati ana tangira.

Taian Areru 78:38

Ma E nanoangaia ana Aomata te Atua. E kab'arai aia bure ao E aki kamateia. A bati ana tai n taotaona unna, n aki karokoa nanona.

Taian Areru 86:15

Ma Ngkoe, te UEA, bon te Atua n nanoanga ma n tangira; Ko aki kakai un, ao Ko b'ab'aina te te ataataiaomata ma te koaua.

Taian Areru 86:5

Te UEA, Ko raoiroi ao Ko kab'ab'arai buure; E bati am Tangira nakoia akana tataro nakoim ni kabaneia.

Taian Areru 90:13

Te UEA, ai ti maanraa am Tai n un? Ani bita nanom, ao nanoangaira, ngaira aika am Toro.

Te Otinako 32:14

E aoria ngkana E a tia ni katanoataa te UEA b'a E na kamaunaia ana aomata, ma E na manga bon bita nanona ma ni kamaiuia.

Ieremia 18:8

ao e a manga rairaki te botannaomata anne man te buakaka, ao N na bita nanou.

Ieremia 20:7

Ko kam'aneai, te UEA, ao I bon riki b'a te nanobaba iai. Ko korakora riki nako iu, ao Ko a tia ni kataenikaiai. A aki toki aomata ni matanikakanikoai ao n taetae n aki akaaka nako iu.

Ieremia 26:13

Kam na riai ni bita aroni maiumi ma b'aai aika kam karaoi, ao kam riai n ongotaeka i roun te UEA ae Atuara. Ngkana kam karaoa aei, ao ane E na bita nanona i bukin karokoan te kangaanga are e taekinna b'a e na karokoa i aomi.

Ieremia 42:10

I kab'araa Au bure ngke I a tia ni katuaaingkami, ma ngaia are, I tuangkami ngkai b'a kam na tiku ikai i Iuta, ike N na unikingkami ma ni karikirakeingkami iai, n onea mwiin are N na bwenauaingkami ni kab'akaingkami ao n na kouwakaaingkami.

Amota 7:3

Ao E bita nanona te UEA ao E taku, “Tera ae ko a tia n nooria Amota, N na bon aki kakoroa bukina.”

Amota 7:6

Ao E a manga bita naba nanona te UEA ao E kaangai, “E na aki koro naba bukin aei.”

Iona 1:3

Ma e teirake Iona ni birinako mairoun te UEA n te kawai teaina. E nako Iob'a ao e nora te kaibuke ae e na borau nako Tibein (Taretiti). E kab'aka kantokana ao e toka i rarikiia kaimoa b'a e nang kaea Tibein, te tabo are e taku b'a e na raroa iai mai roun te UEA.

Iona 3:10

Ao te Atua E noori baike a karaoi; b'a a tia n toki man aroia ake a bubuaka. Ma ngaia are, E a bita nanona ma n aki katuaaia n aron are E a tia n taekinna.

Iona 3:9

Antai ae na ataia ao e a ti bita naba nanona te Atua, ao ma n toki unna, ao ti a aki mate!

Mika 7:18

Ara UEA bon akea riki n ai arom, te UEA; Ko kab'arai aia bure am aomata ake nikira ni maiu. Ko aki kakamaana unim, ma Ko kukurei riki ni kaota Am tangira ae e teimatoa nakoira.

Ruka 10:29

Ma e kani karaoiroia teuarei, ao e taku nakon Iesu, “Ao antai raou?”

Te Tua-Kaua 4:31

E na nanoangaingkami te UEA ae Atuami, E na bon aki tiringingkami ke ni kitaningkami. E na bon uringa ana Berita, ao E na bon kaawakina ana Boraraoi are E a tia ni karaoia ma ami bakatibu.