Iona 3:5 - Te B'aib'ara

⁵ Ao a kakoauai ana taeka te Atua kaain Ninewe. Ma ngaia are, a bonnanoa te aki mamatam. Mairouia kakannato ni karokoia ake a mangori, a karin kunnikai aika a mangaingai ni kaota aia rairanano.

Iona 3:5 Iomraidhean Croise

2.Uea 19:1

Ao ngke e ongo te rongorongo arei Etekia, ao e raeuaa ana kunnikai i bukin rawawatan nanona, ao e karin kunnikai aika a mangaingai. Ao i mwiina, e nako n rin n ana Tembora te UEA

2.Rongorongo 20:3

Ao e maaku Ieotiab'ata, ao e titirakina te UEA te b'ai ae e na karaoia. Ao i mwiina, e a tuangiia kaain Iuta b'a a na aki am'am'arake ni kaota rawaawatan nanoia.

Etira 8:21

I a buubutiia aomata ngke ti mena i rarikin te Karaanga are Aawa, b'a a na aki am'aam'arake ao a na tataro. Ti kananorinanoira ao ti buubutia te Atua b'a e na anganiira ma natira te mauri i aon Ierutarem ao i aon ara b'ai ni kabane.

Etita 4:1

Ao ngke e a atai b'aai aika a karaoaki Moretekai, ao e raeuai kunnikaina i bukin rawawatana, ao e karin kunnikai aika a mangaingai, ao e tauna atuna n te mannang, ao e nakonako i nuukan te kaawa are e buubura arei n tangi n takaarua n te b'anaa ae e kananoanga,

Te Otinako 33:6

ao a katoka katokaan taian b'ainikatamaaroa i aon rab'ataia i mwiin kiitanakin te Maunga are Tinai irouia.

Ieremia 31:34

“A na aki manga reireina temanna i bon irouia aron te ongotaeka i Rou. I berita Ngai ae te UEA nako ia ni kabane b'a a na ongotaeka irou, ti te bo aomata nako ma taan tautaeka. N na kab'arai aia bure, N na m'aninga taekan aia m'akuri aika a buakaka aika a tia ni karaoi.”

Ieremia 36:9

N te karuaiwa n nam'akaina n ana kanimaua n ririki ni uea Ieoiakim i aon Iuta, ao a aki am'aam'arake aomata i bukin anaakin nanon te UEA. E karaoaki te aki am'aam'arake irouia ake a maeka i Ierutarem ao irouia aomata ni kabane ake a roko ikekei man kaawan nako Iuta.

Ieremia 42:1

Ao a bane n roko nako iu Ioanan, Ietania, aobitian te taanga ni buaka ake tekorakina, ao aomata ni kabane ake n te m'akoro.

Ieremia 42:8

Ioanan, aobitia, ao aomata ake tabeman. Ma ngaia are, I weteia ni bootia

Taniera 9:3

Ao I kakorakoraai n tataro nakon te Uea ae te Atua, mani kairoro, man aki mamatam, mani karinii kunnikai aika a mangaingai, ao n tekateka i aon te mannang.

Ioera 1:14

Tuangiia taani kairiiri ao aomata b'a a na bootaki n au Tembora. Tuangiia b'a a na aki am'aam'arake ao a na tataro ni kakorakoraia.

Iona 3:7

Ao e katanoata te UEA nakoia kaain Ninewe, “Aio ana taeka te uea ma ana mataniwi nako: Akea temanna ae e na am'arake. Aomata ni kabane, maan, kaao, tiibu: a riai n aki am'arake ao n aki mooi.

Mataio 12:41

Ane a na kaoti I-Ninewe n te bongi ni motikitaeka ma kaain te roro aei, ao ane a na kabuakakaia kaain te roro aei; b'a a rairi nanoia I-Ninewe n ana kab'arab'ara Iona; ao noria, iai ikai ae kakannato riki nakon Iona.

Ruka 11:32

Ane a na kaoti I-Ninewe n te bongi ni motikitaeka ma kaain te roro aei, ao ane a na kabuakakaia; b'a a rairi nanoia n ana kab'arab'ara Iona, ao noria, iai ikai ae e kakannato riki nakon Iona.

M'akuri 27:25

Ma ngaia aei, mm'aane, kam na kabebetei nanomi: b'a I onimakina te Atua b'a e na boni koro bukin are e a tia n taekinaki nako iu.

M'akuri 8:10

ao a bane n ongo i rouna aomata nako, ake a mangori ma ake a kakannato. A taku, “Boni m'aakan te Atua teuaei are aranaki b'a te ‘M'aaka ae Korakora.’ ”

Ebera 11:1

Te onimaki bon te aki nanokokoraki ni baika kaantaningaki, ae kakoauani baika aki noraki.

Ebera 11:7

I bukin ana onimaki Nooa, ao e ongo ana taeka ni katauraoi te Atua i bukini baika na riki rimwi aika aki konaki n noraki. E ongeaba nakon te Atua ao e kabaa te kaibuke are e a kamaiuaki iai ma ana utu. Ao i bukin aei a motikaki iai taekaia kaain aon te aba ni kabuakakaki, ao Nooa e riki b'a te tia b'aib'ai n te raoiroi are reke n te onimaki.

Te Kaotioti 11:3

Ao N na karekea aia tai au tia kakoaua ake uoman b'a a na taetae ni burabeti, ao a na taetae ni burabeti i nanon tengaa ao uabubua ma onongaun te bong, ao a na kunnikaiia n te kunnikai ae mangaingai.”