Iona 1:6 - Te B'aib'ara

⁶ Ao e noria te kaaben ao e taku nakoina, “E aera ngkai ko karauko ni matu? Teirake, ao tataro nakon Atuam b'a E na buokiira, b'a tao E na nanoangaira ni kamaiura.”

Iona 1:6 Iomraidhean Croise

2.Tamuera 12:22

Ao e kaeka Tawita ni kaangai, “I aki am'aam'arake ao I tang ngke e boni maiu b'a au kaantaninga b'a e na reke maiuna. I kaangai inanou, Antai ae ataia, ao E na nanoangaai te UEA ni kamaiua natiu.”

Etita 4:16

Naako botiia I-Iutaia ni kabane i Tutian, ao karaoa te aki mamatam, ao te tataro i buku. Kam na aki kana te b'ai teuana ma ni mooi teutana i nanon tenibong. Ao ti na karaoa naba ae ai aron anne ma au toro aine. Ao i mwiin anne, ao N na nako ni kawara te uea, e ngae ngkana e tabuaki n te tua. Ngkana arona b'a N na mate ni karaoan aei, ao N na boni mate.

Taian Areru 107:6

A wetea te UEA, ngke a kai nanoia, ao E kamaiuia man rawawataia.

Taian Areru 78:34

N taai ake E kamateia iai tem'angina i buakoia, Ao a rairaki ngkanne ake nikiraia nakoina; A raraoma ao a tataro ma nanoia ni koaua nakoina.

Itaia 3:15

E taku te UEA ae Moan te M'aaka, “Kam a tia ni kamanatuaia au aomata mani kabaarekai mataia aomata aika a maiu ni kainano.”

Etekiera 18:2

Etekiera, I ongo b'anaaia aomata b'a a kamanenaa te taeka nikawai ae e kaangai, “Te kureebe ae e maai ae e kanaki irouia kaaro e katuka te maai i nanon wiia natiia.

Ioera 2:11

E kairiia te taanga ni buaka aei te UEA ae te Atua ae e aki konaa ni warekaki, ao a ongotaeka nakon ana kaetieti. E rangi ni kakamaaku ana bong ni motikitaeka n te aro are akea ae e konaa moana.

Amota 5:15

E ririiba te buakaka, ao e tangira te eti, ao n taraia b'a e na karaoaki te kaetitaeka ae riai n tain te bowi. E na bon kona te UEA n nanoangaia botannaomata ake a tiku ni maiu.

Iona 3:8

Ana bane aomata ma maan ni karin kunnikaia aika a mangaingai. Ana bane aomata ni kakorakoraia n tataro nakon te Atua, ao ni kaaki aroia aika a buakaka, ma m'akuri aika a aki raraoi.

Iona 3:9

Antai ae na ataia ao e a ti bita naba nanona te Atua, ao ma n toki unna, ao ti a aki mate!

M'akuri 21:13

E taku ngkanne B'auro nakoia, “Tera ae kam karaoia ngkai kam katumaua te tang, ma n urua nanou? B'a I a tauraoi nakon tiaki ti te kabaeaki, ma nakon naba te mate i Ierutarem i bukin aran te UEA are Iesu.”

I-Rom 13:11

Kam bon riai ni karaoa aei, ngkai kam atai kanoani boong aika ti mena iai ngkai. E a bo ami tai ngkai n uti mani matumi. B'a e a uakaan riki ngkai te bong are ti na kamaiuaki iai nakon taina ngkoa ngke ti moa n onimakina iai te UEA.

I-Ebeto 5:14

b'a b'aai ni kabane aika kaotaki a riki b'a te oota. Ao aei bukin are atongaki ni kaangai: “Ko na uti, ngkoe ae ko matu, ao teirake mai buakoia maate, ao e na kaotako Kristo.”