Iona 1:12 - Te B'aib'ara

¹² Ao e taku Iona, “Karenakoai nako taari ao e na toki te buaka; b'a I ataia b'a e roko te ang ae korakora aei i aomi i buku.”

Iona 1:12 Iomraidhean Croise

2.Tamuera 24:17

E noora te anera Tawita ngke e tiringiia aomata nako ao e taku nakon te UEA, “Bon ti te bo aomata aikai ma tiibu ao Ngai aia tia kaawakintiibu. I a tia ni bure korakora, ao a bon aki bure. Taiaoka, katuaaeai ma au utu ma Ko na aki katuaaia!”

1.Rongorongo 21:17

ao e tataro Tawita ni kaangai, “Bon au kaairua te b'ai aei! I bure ngke I anga au taeka b'a a na warekaki aomata. Bon akea aia bure--bon tiibu ngaiia aika akea aia bure. Te UEA ae te Atua, taiaoka katuaaeai ma au utu, ao tai tiringiia am aomata n te aoraki.”

Iobi 35:8

E bon rawawata raom n aomata n am bure, ao te raoiroi ae ko karaoia, e na bon buokaki naba iai raom n aomata.

Te Minita 9:18

E tamaroa riki te wanawana nakon b'aai ni buaka, ma te kaairua ae ti teuana e konaa ni kamaunai am m'akuri ni kabane aika a raoiroi.

Iona 1:11

Ao e rikirake korakoran buakan marawa. A taku kaimoa nakoina, “Tera ae ti na karaoia ngkai nakoim b'a e aonga n toki te buaka?”

Iona 1:13

Ma, a bon kabanea moa korakoraia kaimoa ni bwetua ni iangoa rokoia n te aba, ma e rikirake riki korakoran te buaka n te aro are a aki ataia b'a a mena ia.

Ioane 11:50

Kam aki iango b'a e tamaroa riki i bukimi b'a e na iai temanna ae na mate i bukiia aomata, nakon ae e na bane ni mate te botannaomata aei?”

M'akuri 27:24

ao e kaangai, “B'auro, tai maku, e riai b'a ko na tei i matani kautun te tautaeka n Rom; ao noria, i bukin ana akoi te Atua nako im, ao a kamaiuaki iai aomata ni kabaneia ake a borau ma ngkoe.”

Iotua 7:12

Ao bon anne bukina are a aki konaa n tei iai Iteraera ni kaaitaraia aia kairiribai. A mumun nako i rouia aia kairiribai. A kaitaraaki ngkai n unin te UEA. N na bon aki manga mena i roumi ni karokoa kam kanakoi baike I tuangngkami b'a kam na aki anai!