Ioera 3:10 - Te B'aib'ara

¹⁰ Karaoi taiani kabaang man taian b'ai ni b'arau ao karaoi taiani kainiwai man b'aini m'akurin te nne n aroka. Kakorakorai taabo aika a mamaara.”

Ioera 3:10 Iomraidhean Croise

2.Rongorongo 25:8

b'a ane e na karaoia b'a kam na konaaki irouia ami kairiribai, e ngae ngkana kam kakorakoraingkami ni buaka. Boni Ngaia ae e kareerekea te tokanikai ao te konaaki.”

Itaia 2:4

E na katoki taiani ngurengure imarenaia botannaomata. Ane a na urui aia kabaang ma aia kainiwai ni manga kariki b'a taian reeke ma tiabora; ane a na aki manga karika te buaka ke ni buakaniia i marenaia.

Ieremia 51:11

Boni Ngai ae te UEA, ae I tangira B'aburon b'a e na kamaunaaki, i bukina ngke a urua au Tembora ana taanga ni buaka. Ma ngaia are, kam na kakangii ami kanoanikatebe ngkami aika uean Miria, ao anai ami otanga.

Mika 4:3

E na katoki taiani ikaakaiwi i marenaia botannaomata ake a korakora ake a kaan ma ake a raroa nako. A na oniki aia kabaang b'a b'aini kamarauan te tano, ao aia kainiwai b'a biiti i bukin kaitiakan aroka. E nangi toki te buaka i marenaia botannaomata, akea riki te manga katauraoi i bukin te buaka.

Tekaria 12:8

N na kaawakina Ierutarem Ngai ae te Atua. E na bon korakora naba te aomata ae te kabanea ni mamaara ikekei n ai aron Tawita, ao e na tautaeka abanuean Tawita b'a kaanga bon Au anera ae e riki b'a ana tia kairiiri.

Ruka 13:12

Ngke E nora neierei Iesu, ao E weteia ao E taku nako ina, “Neiko, ko a kamaiuaki man aorakim.”

Ruka 22:36

Ao E taku nako ia, “Ma ngkai, ane iai ana b'auti ni m'ane ao ke e uotia, ao ai arona naba ma nen ami b'ai. Ao ane akea ana kabaang ao ke e kabooa nako kunnikaina ni karekea te kabaang iai.