Ioera 2:23 - Te B'aib'ara

²³ Kaain Tion, kam na nebonebo mani karinea te UEA ae Atuami! E tituaraoi b'a E karokoa karaun te aumaiaki ma te aumeaang n taina.

Ioera 2:23 Iomraidhean Croise

1.Uea 8:36

ao Ko na ongora mani mwengam i karawa mani kab'arai aia bure. Bon am Toro aomatan Iteraera, ma ngaia are, Ko na reireiniia aroia ni maiuakina te maiu ae e eti. Ao taiaoka ni kanakoa te karau i aon te aba are Ko berita iai nakoia n aki toki.

Iobi 33:23

E na mena ngkoa, ao e a roko naba te anera ni buokia are temanna mai buakoia Ana anera te Atua ake te ngaa, ake a kakauringiia aomata nako tib'angaia.

Iobi 37:13

E kanakoa te karau te Atua n teboka te aonnaba. N tabetai ao E kanakoa i bukin katuaaia aomata, ao n tabetai E kanakoa ni kakab'aiaia aomata.

Taian Areru 104:34

E bia kukurei n au iango, ngkai kukureiu boni mai Rouna.

Taian Areru 147:8

E kaona karawa n taian nang; E katauraoa te karau i bukin aon te aba ao E karikirakei uteute i aoni maunga.

Taian Areru 149:2

Kam na kukurei, ngkami te botannaomata ae Iteraera, i bukin ami Tia Kariki-b'aai; Kim'areirei, ngkami kaain Tion, i bukin ami uea!

Taian Areru 28:7

Boni korakorau te UEA ao otangau; I onimakinna. E anganai buokau, ao E kakukureiai. I anene ma te kim'areirei ni kamoamoaa.

Taian Areru 32:11

Kam na kukurei ma ni kakatonga, ngkami akana kam raoiroi, i bukini baika E a tia ni karaoi te UEA. Ao takaakaa ni kakatonga, ngkami akana kam ongeaba i rouna!

Taian Areru 84:6

A ri nanon m'aruan Baka, ao E karikia te Atua b'a te tabo ae iai koburakenran iai; ae e rabunaki aona n are reke mani b'akan taiani moa ni karau.

Taeka n Rabakau 16:15

Ngkana e kukurei te tia tautaeka ma ni kukurei iroum, ao kaanga ai aron manga b'akan te karau, ao kam na maiu.

Itaia 30:21

E ngae ngkana kam rairaki nakon te angaatai ke te angamaing, ao kam na bon ongo naba te b'anaa ae e kaangai, “Aio te kawai! Kam na iria ngkai.”

Itaia 30:23

E na kanakoa te karau te UEA b'a e na teboki taian Atiniberita akana iroum-a na manga kariki riki taian uaa am tawaana nako nakon are ko bon tangiria, ao a na am'arake am nanai ni kao n taian tabo n uteute aika a tangaina.

Itaia 41:16

Ane e na kamaaenakoia te ang ae e korakora nakon taabo aika a kakaokoro. Ao i mwiina, kam na karaoa ami bootaki ni kukurei ibuku ao kam na neboai, Ngai ae ami UEA, ae Atuaia Iteraera ae e tabu.

Itaia 61:10

N na karaoa au bootaki ni kukurei ao n takaarua i bukin au UEA ae te Atua. I a kunnikaiai ni m'aakan ana m'akuri ni kakamaiu ao ana motikitaeka ae Eti. A rangi n tamaroa riki nakon b'aai ni katamaroa aika a b'aab'ainaki iroun te kabae te aine ke te kabae te m'aane.

Ieremia 3:3

Ma ngaia are, I rawa Ngai ae te UEA ni kab'aka te karau n te aumeaang. Ma ko aki mamaa naba n te b'ai ae ko a tia ni karaoia kaanga te aine ae ainen matawa.

Ieremia 5:24

Kam rawa ni kaangai, “Ti a taromauria te UEA! Boni Ngaia ae e karoorokoa te karau n te aumeaang ma te aumaiaki. ma n anganiira uaan te tai ae e tamaroa.”

B'aeb'aeti 4:2

A riki b'a kaanga boora aika atiibu, m'anen Tion aika rorobuaka n ataei, ake kaanga aron tamaroan koora ngkoa nakoira.

Etekiera 34:26

A na maeka ni katobibia Au maunga are e tabu, ao N na kakab'aiaia ni karokoa te karau ae e korakora

Otea 6:3

Ti na karaoa ara kabanea n tamaroa n ukoukora ataakin te UEA. E a bon roko kaanga taai n te ingabong; E na manga kamaiu nanora kaanga te karau ngkana e kabooua te aonnaba i nanon tain tokin te kam'aitoro.

Nakoaia Ibonga 26:4

ao N na kab'aka te karau n te aro b'a a na rikirake arokami ao ami kai nako a na kariki uaa.

Amota 4:7

I taua naba te karau b'a e na aki b'ab'aka i aon arokami. I kab'aka te karau nakon aon te kaawa teuana ao I aki kab'aka nakon te kawa teuana. E b'aka te karau n te tawaana teuana ao a mate arokan te tawaana teuana.

Tekaria 10:1

Boni Ngai ae te UEA are I kanakoi nangin te buaka ao maatim ni karau b'a a aonga ni kariki uaa taian tawaana. Ma ngaia are, ngkana a kainanoa te karau taian uita kam na riai n tataro nako iu.

Tekaria 10:7

E na riki Iteraerab'a kaanga baronga ni buaka aika a karaoa aia bootaki ni kukurei n te wain. Ngkana a noora aei natiia, a na bon rangi ni kukurei naba ibuku Ngai ae te UEA.

Tekaria 9:13

N na kamanenaa Iuta b'a Au kainikatebe ao Iteraera b'a Au kanoanikatebe. N na anaia kaain Tion b'a Au kabaang ma ni buakaniia kaain Kuriiti.

Tekaria 9:9

Kukurei ao takaarua aomata ni kabane i Ierutarem, E a tia n tokanikai ami uea, ao E a roko ni kawaringkami. E nanorinano ao E toka i aon te ati; ao E roko i aon bunin te aati.

M'akuri 14:17

ma e boni ngae n anne, ao E a tia ni kaotiota arona n Atua ni baika raraoi ake E karaoi: b'a E anganingkami te karau mai karawa ma boong ake a uaa iai kai n am'arake; E anganingkami kanami, ao E kaon nanomi n te kim'areirei.”

Te Tua-Kaua 11:14

ao E na karokoa te karau ni bon tain te karau, ma ngaia are, a na reke kanami, ma ami wain, ao b'aan te oriwa aika m'aiti, ao a na m'aiti naba taiani uteute i bukiia ami nanai ni man.

Te Tua-Kaua 28:12

E na kauka ana Autinib'ai te UEA are i karawa ike E kakaawakina iai te karau, ao E na kab'aka te karau i aon te aba n taai aika riai. E na kanakoraoi b'aai ni kabane aika kam karaoi. A na rangi ni m'aiti ami m'ane are kam na kataarauia iai botannaomata tabeua, ma kam na aki kainanoa te taarau.

Te Tua-Kaua 32:2

N na reireiningkami Iteraera. A na riki au taeka b'a kaanga te maatim ni karau ae b'aka i aon aroka aika uarereke, ke kaanga te aoi i aon taian uteute.

I-Biribi 3:1

Te kabane ngkanne, tariu, kam na kim'areirei ngkai kam katiteuanaki ma te UEA. Tiaki te bae kakua i rou te kaoki taekani baike I a tia ni koroi, ma e bongana i bukimi.

I-Biribi 3:3

B'a boni ngaira ma ngkami kaain te korotabonim'aneaki ni koaua, aika ti taromauria te Atua iroun Tamneina, ma ni kamoamoa irouni Kristo Iesu, ao ti aki onimakina te rab'ata,

I-Biribi 4:4

Kam na kim'areirei ngkai kam reitaki ma te UEA n taai nako; ao N na manga atonga riki ae kaangai, Kam na kim'areirei.