Ioera 2:22 - Te B'aib'ara

²² ao maan aika a aki manana b'a a na katoka maakuia. A manga mawaawa aaba n uteute; a onrake n taiani uaa kainam'arake ma taian biiku. A onrake taian aroka aika kureebe n taiani kureebe,

Ioera 2:22 Iomraidhean Croise

Karikani B'aai 4:12

Ngkana ko ribana, ao e na aki anga te maiu te tano nakon arokam, ao ko na riki b'a te aomata ae akea mwengana, ae tiotio nako n te aonnaba.”

Taian Areru 36:6

Ai aron te maunga ae te kabanea n rietaata am Raoiroi; Ai aron nanoni marawa ae nano am Kaeti-taeka. A mena aomata ma maan i aan am Tararua.

Taian Areru 65:12

A on taabo aika a rereua aoia n uteute aika maiureirei; Ao tabuki, ai aroia aomata aika kakatonga!

Taian Areru 65:13

A on aon taabo ake a maiureirei uteute iai n nanai n tiibu; Ao a kebo nanoni m'arua n uita. A riki b'a kanga ai aroia aomata ake a bane ni kanene b'anaaia n anene ni kakatonga.

Taian Areru 67:6

E kariki uaana aontano ni kabatia; E a tia te Atua, ae Atuara, ni kakab'aiaira.

Itaia 51:3

E ngae ngke e uruaki Tion, E na uota te rau te UEA, ao e na rangi n taatangiraki te kaawa n ai aron te nne n aroka are Eten are E a tia ni katauraoia. Ao i mwiina, e na karaoa ana bootaki ni kukurei Tion; e na kakaaitau ao e na anenea te anene ni kukurei.

Etekiera 36:30

A na onrake arokami n taiani uaa, ao a na rikirake taiani uita n ami tawaana nako, n te aro are kam na aki manga mamaa i bukin aki taun kanami.

Etekiera 36:35

Ma, a na taetaekinna b'a ti te bo tikiraoina ma te nne n aroka are Eten. A na aki manga noori taian kaawa aika a wene n uruaki, ma a na noori ami kaawa aika a korakora aika a onrake irouia aomata.

Etekiera 36:8

A na rikirake aroka i aon maungan nako Iteraera ao a na kariki uaa i bukiia Au aomata, b'a a nang okira mwengaia n te tai ae aki maan.

Iona 4:11

Tiaki e riai b'a N na nanoangaea riki Ninewe are te kaawa ae e rangi ni buubura arei, are a maeka iai aomata aika a m'aiti riki ae nakon 120,000 aika ataei aika akea aia bure, ao a m'aiti naba maan iai!”

Akai 2:16

ko kataia n uringa te maiu b'a e kangaa ngkoa arona i nanon boong ake a tia n nako. Ngkana ko kainanoa 200 te rawawata ni uita, ao bon ti 100, ao ngkana ko kainanoa 100 te riita, ao e na bon tii 40.

Tekaria 8:12

Ma n onea mwiin anne, N na kakoauaa b'a a na unikaki uita ma te rau ao ami nne n aroka ni kureebe a na kariki uaa, ao a na maiu raoi ami tawaana ao e na b'aka te aoi mai karawa.

1.I-Korinto 3:7

Ma ngaia ae e aki kakawaki te aomata are unika te aroka, ao te aomata naba are tebotebokia; ma E kakawaki te Atua b'a Ngaia are karikirakea maiun te aroka.