Ioera 2:2 - Te B'aib'ara

² E na roo ao ni kananokawaki ma nangin te buaka i aora. A na kaona aon te maunga nako te taanga ni buaka kaanga ai aron nangin buakan karawa. Bon akea te taanga ni buaka ae e korakora ae e a tia n ikotaki mai m'aaina ke ae e na manga ikotaki rimwi.

Ioera 2:2 Iomraidhean Croise

Taian Areru 10:6

E taku n ana iango, “E nene ni matoatoa au waaki! N na teimatoa n tiitiku n rau raoi n arou aio.”

Taian Areru 97:2

E otab'aniniaki rarikina n taian nang ma te roo; E tautaeka n te raoiroi ma te eti.

Te Otinako 10:14

A roko n te m'aiti ae e korakora ao a tiku n te aba arei ni kabutaa. Bon te nanai n rokati ae moan te korakora ae e tuai man nooraki mai m'aaina, ke ae na aki manga konaa n nooraki rimwi.

Te Otinako 10:6

Ane a na kaona am bareti ma aia auti am aobitia ni kabane ao am aomata ni kabane. A na bon buakaka riki nakon b'aai nako ake a tia n noori ami bakatibu. Ao i mwiin arei, e rairaki Moote ao e nako.

Te Otinako 20:21

Ma a bon kararoaia nako aomata, ao bon ti Moote are nako ni kaaniia te nang are rotongitong are E mena iai te Atua.

Itaia 5:30

N te bong are a na buaka iai, a na rurunga kaanga naoni marawa. Akea te b'ai ae ko na nooria i aon te aba b'a ti te rootongitong ao te kaangaanga, i bukina b'a e na rabunaki ootan te ngaina n taian nang aika a matenten.

Itaia 8:22

ao i aon te aba, e na reke nakoia te kiriwe ao te rotongitong, te kiriwe ae moan te kangaanga ao te rootongitong ae moan te korakora.

Ieremia 13:16

Ko kaantaningaa te oota, ma e na kanakoa te roo te UEA. E a kaman mena nuun te tairiki i aon taian tabuki. Ma ngaia are, kam na oki nakon te Atua ao kam na kaoti ami bure nakoina i m'aain ae a bae waemi ma ni b'aka.

Ieremia 13:6

Ao tabeua te tai i mwiina, ao e taku te UEA nako iu, “Ko na nako n oki n anaa am kawaerake te kororo.”

B'aeb'aeti 1:12

E tang nakoia ake a ri rarikina, “Bon akea katotongan te rawaawata ae irou, ae E anganai te UEA b'a oreau.”

Etekiera 32:7

N na kaona karawa ni kabutaa ma taian itoi n taian nang aika a matenten, b'a a aonga n toki ootan taai ma nam'akaina.

Etekiera 34:12

n aroia taani kawakin tiibu ngkana a kaawakiniia aia tiibu ake a maae nako ma ni manga kaokiia. A tia ni bua Au tiibu man te bong are e rootongitong are e kananokawaki ngke a maae nako i buakoia botannaomata. Ma N na kamaiuia

Etekiera 38:9

Ma ko na buakaniia ma am taanga ni buaka kaanga buakanikarawa ma ni katobibia kaanga te nang.

Taniera 12:1

Ao e taku te anera are e kunnikaia n te rinen, “Ao ane e na kaoti te anera are Kabiriera are e kakawakiniia am aomata. Ane e na roko tain te kangaanga, aika a tuai ma n noonoria taiani botannaomata ma ngke a moani kaoti nakon te aonnaba aio. Ao ngkana e roko te tai anne, ao a na bane ni kamaiuaki am aomata ake a m'akoro araia n ana boki te Atua.

Taniera 9:12

Ko karaoi nakoira baike Ko taku b'a Ko na karaoi nakoira ma ara taan tautaeka. Ko kakorakoraa riki tuuan Ierutarem nakoni kaawa tabeua n te aonnaba aio,

Ioera 1:6

E a tia te botannaomata ae e korakora ma ana taanga ni buaka ae e aki konaa n warekaki ni buakana abara. Iai irouia wiin ma m'angain taian raian aika a korakora.

Ioera 2:25

Boni Ngai ae te UEA ae Atuami, ae N na kabooa mwiin b'aai aika a bua ake a riki irouia te taanga n rookati teuana ma teuana ake I kanakoi b'a a na buakaningkami.

Ioera 2:31

E na okirikaki taai n rotongitong, ao nam'akaina e na uraura kaanga te raraa i m'aain kaotin te bong are e rangi ni kakamaaku arei.

Ioera 2:5

A rurunga i aon taiani maunga kaanga karongoaia taian kaa ni buaka, ke taani buaka aika a korakora aika a tauraoi nakon te buaka. Bon ain te buakonikai ngaiia aika a kaakana boton uteute ae e m'au.

Ioera 3:4

E aera ngkai kam karaoa aei ngkami aika kaain Turo ao Titon? Kam kataia ni karokoingkami Irou? N na kabooa mwiin ae ko karaoia i m'aain ae ko ataa te b'ai ae e na riki.

Amota 4:13

Bon te Atua ae karaoi taian Maunga ao E karikii naba aang. E kaoti ana iango nakoia aomata E onika te ngaina nakon te tairiki ao n nakonako i aon tabuki. Bon te UEA Ngai ae E m'aaka!

Teb'ania 1:7

E a kaan ana bong ni motikitaeka te UEA, te tai are E nang karaoa iai ana m'akuri te UEA, ma ngaia are kainab'aabu i matana. E katauraoi te UEA b'a E na anga ana aomata b'a taian karea, ao E kateirakeia kairiribai b'a ana kurib'aia Iuta.

Tekaria 14:6

E na riki b'a te bong ae e raneanea ae e na aki manga nubono,

Mataio 24:21

B'a n te tai anne ao e na iai te rawawata ae bati ae akea n aia arona ma ngke e moa n riki aonnaba ni karokoa ngkai; bon akea n ai arona, ao a na bon akea naba nakoni boong aika rimwi.

Mareko 13:19

B'a ni boong akanne ao ane a na karawawataaki aomata n te aekaki ni karawawata ae akea n ai arona mani moani karikan aonnaba iroun te Atua ni karokoa ngkai. Ao e na akea naba aekakina nakon taai aika na roko.

Te Tua-Kaua 32:7

Kam na iangoi roro ake ngkoa. Titirakiniia ami karo ke ami kara. Ao ane a na tuangkami

Ebera 12:18

B'a kam tuai roko ni kaania te maunga are konaki n riingaki are e ura iai te ai; ao kam tuai ni kaania naba te baere roroo ma te baere rotongitong ma te ang are te ukeukenanti,

Iuta 1:13

kanga naoni marawa aika kakamaaku ma aroia aika kamamaa aika noraki b'a kanga buroburon naao; kanga itoi aika tiotio nako, aika e kawakinaki i bukiia neia n aki toki n te roo ae rotongitong.

Te Kaotioti 9:2

E kauka bonotani matan te b'angab'anga are ruo ri kaaki nako Abuto, ao e oti nako mai iai te bubu ae ai aroni bubun te tabo ni kanaiai ae korakora, ao e karooaki taai ma te ang n te bubu ae nako man te b'angab'anga arei.