Ioera 2:18 - Te B'aib'ara

¹⁸ E rangi n tabeaianga nanon te UEA i bukin te aba aei ao E nanoangaiia ana aomata.

Ioera 2:18 Iomraidhean Croise

2.Uea 19:31

Bon te UEA Ngai ae Moan te M'aaka ae N na bon nooria ni kakoauaa b'a a na maiu koraki ake nikira ni maiu i aon Ierutarem.

Taian Areru 103:13

Aron te karo n ataataiaomata nakoia natina, Ao ai aron naba te UEA n ataataiaomata nakoia akana karinea.

Taian Areru 103:17

E teimatoa ana ataataiaomata te UEA nakoia akana karinea; Ao E teimatoa arona n raoiroi nakon te rorona ma te rorona

Itaia 37:32

Ngai ae te UEA ae Moan te M'aaka, N na bon kakoauaa anne b'a a na tiku ni maiu aika a maiu i Ierutarem.

Itaia 42:13

E m'ananga n oti nako te UEA kaanga te tia buaka ae e un, ma ni kabanea takaaruana ngke e tabe ni un ma ana kairiribai nako.

Itaia 60:10

Ierutarem, e na manga karaoaki oom irouia ianena; e na riki aia tautaeka b'a ami toro. I katuaaeko ngkoa n uniu ao ngkai N na nanoangaiko ao N na akoiko.

Itaia 63:15

Taiaoka te UEA, taratara rikaaki man am tabo ane e tabu ma ni mimitong ane mwengam ane n taiani karawa ao noora te b'ai ae e riki. Ko a aki tangiria? E ngaa m'aakam? Kaotia b'a ko bon tabeakiniira ao ko nanoangaira!

Itaia 63:9

E mwengabuaka te UEA ngkana e noori aia kaangaanga, ma a kamaiuaki iroun ana Anera. E nanoanga ni koaua te UEA, ai ngaia are, e kamaiuia ana Aomata. E m'aneia ni baina ao e uotia i nanon ririki aikai ni kabane.

Ieremia 31:20

Kaain Iteraera, bon natiu ngkami aika kam rangi n tangiraki. E koaua b'a I aki tangiringkami nakon b'aai nako? Ngke I aki toki ni karawaawataingkami, ma I tangiringkami b'a kam na meemena i rarikiu, b'a I aonga nanoangaingkami. Bon aio Au taeka Ngai ae te UEA.

B'aeb'aeti 3:22

Ana akoi ma Ana tangira te UEA ae teimatoa n taai nako.

Tekaria 1:14

Ma ngaia are, e tuangai te anera b'a N na katanoata: I rangi n kakaawakina Ierutarem Ngai ae te UEA ae Moan te M'aaka.

Tekaria 8:2

I rangi n tangira Tion n te aro are I a un irouia ana kairiribai.

Ruka 15:20

Ao e tei rake, ao e nako n tamana. Ao ngke e mena i kiraroa, ao e noria tamana, ao e nanoangaia, ao e biri, ao e rab'atia, n inga nako ina.

Te Tua-Kaua 32:16

Kam kamaraka nanon te UEA ao kam kaunna ngke kam taromauriia bouananti aika bati n ribaaki ao atuaia ianena.

Te Tua-Kaua 32:36

E na ti kona n nanoangaia te UEA ma n anganiia te motikitaeka ae eti ngkana ai ti tabeman ana Aomata, ao akea korakoraia ao a riki tabeman mai buakoia b'a buure, ao E a tib'a nanoangaia te UEA ao E a anganiia te motikitaeka ae eti.

Te Tua-Kaua 32:43

Tuangiia taiani karawa b'a a na karaoa aia bootaki ni kukurei ao taian atua ni kabane b'a a na bobaraaki nakon te UEA, i bukina b'a E na irantaangaia mairouia kairiribai aika ribaaki aika tiringiia ana Aomata. E na kab'arai ana bure Iteraera ma ni kaitiaka abaia.

Iakobo 5:11

Noria, ti taku b'a a kab'aia ake a nanom'aka. Kam a tia n ongo nanom'aakan Iobi, ao kam ata aron te Uea n tabeakinna n tokina. B'a moan te nanoanga te Uea, ao E akoi.

Tani Motiki-taeka 10:16

Ao i mwiina, a kanakoi bouanantin aaba tabeua, ao a moana taromaurian te UEA. Ni karokoa n tokina, E a aki kona moana te UEA n taratarai rawawataia.