Ioera 2:16 - Te B'aib'ara

¹⁶ Kakoauaa raoi b'a a na bane aomata n tau nakon taromauriau. Kanakomaia ikawai, ataei, ao taian merimeri, ao kairiia mai naba te taanga aika a tib'a tia ni mare man aia bootaki ni mare.

Ioera 2:16 Iomraidhean Croise

2.Rongorongo 20:13

Ao ngke a bon tabe n tei ikekei i nanon te Tembora, m'aane ni kabane, ma aine, ao ataein Iuta.

2.Rongorongo 29:5

ao e taku: E a bo te tai ni kaitiaka ana Tembora te UEA ae Atuaia ara bakatibu. Kam na moan nako ngkami kanoan Rewi nakon te bootaki b'a kam na kaitiakingkami, ao i mwiina kam na manga nako nakon te Tembora ao kam na kaotinakoi b'aai n kabane aika a baareka ao aika a aki tau i bukin te UEA.

2.Rongorongo 30:17

A kawaekoaia ni kaitiakia ri nanon te bootaki arei ma n nakon te Tembora n anga taiani karea i bukin kakukureian te UEA. Ao i mwiina, a kakioi nneia ibonga ma kanoan Rewi n aron are n ana Tua Moote, are ana toro te Atua. Ngke a tiring taian tiibuteteei n te Riao kanoan Rewi, ao a anga teutana te raraa nakoia ibonga, ao ibonga a katimtim'a i aon te baonikarea.

2.Rongorongo 30:19

A reke iroun Etekia, ao e a ataa te b'ai ae a tia ni karaoia ao e tataro: “Te UEA ae te Atua, a tuai n itiaki n aron tuan baika a tabu. Ma a bon taromauriiko naba n aron are a karaoia aia bakatibu. Taiaoka, kab'arai aia bure.”

2.Rongorongo 35:6

Ngkana a uoti aia tiibuteteei are b'ain te Toa are te Riao nakoim, ao ko na tiringi mani katauraoia b'a e na kareanaki nakon te UEA. Kam na kakoaua raoi b'a a na karaoa te bootaki aomata ni kaineti ma taian kaetieti ake e anga te UEA nakon Moote, ao kam na aki karaoi b'aai aika kam na kam'ara iai ma n aki kariaiakaki.

Iobi 1:5

E aki toki n ututi Iobi ni karangainan te bong are i mwiin aia baka natina akekei n anga ana karea i bukiia natina n tatabemaniia nako b'a aonga ni kaitiakaki. E kakaraoa aei i bukina ngke e tataku n ana iango b'a n ae e a tia natina temanna ni kamatauninga te Atua n tiaki nanona.

Taian Areru 19:5

E oti nako mani nena n te ingabong, b'a kanga ai aron te m'aane ae kukurei b'a e a tib'a iein, Ke te tia biri ae e ingainga nanona ni kani biri n tain te kabobirim'aka.

Te Otinako 19:10

ao E taku te UEA nako ina, “Ko na nakoia aomata ao n tuangiia b'a a na kabanea te bong aei ao te ingabong ni kaitiakia i bukin te taromauri. A na riai ni uati kunnikaia,

Te Otinako 19:15

Ao e taku Moote nako ia, “Kam na riai n tauraoi nakon te bong are i mwiin te ingabong, ao kam na aki bootaki ma buumi.”

Te Otinako 19:22

E ngae ngkana taiani ibonga aika a roko ni kaaniai, a na riai moa ni kaitiakia b'a N na katuaaia ngkana a aki.”

Ioera 1:14

Tuangiia taani kairiiri ao aomata b'a a na bootaki n au Tembora. Tuangiia b'a a na aki am'aam'arake ao a na tataro ni kakorakoraia.

Mataio 21:16

ao a taku nako Ina, “Ko ongo b'a tera ae a taekinna?” E taku Iesu nako ia, “Eng! Kam tuai ni wareka te taeka are kangai? Ko a tia ni kataneiaia ataei aika uarereke ma merimeri b'a a na neboiko n te aro ae rangi n nako raoi.”

Mataio 9:15

E taku Iesu nako ia: A kona n nanokawaki aomata ake a kaoaki b'a iruwa nakon te mare, ngkae e raoniia te tia iein? Ane a na roko boong, ane e na uotaki nako iai te tia iein mai rouia, ao anne ngkanne aia tai n aki mamatam.

1.I-Korinto 7:5

Akea ae na rawa i roumi ni wene n taanga, ma ti ngkana kam a tia ni boraraoi b'a kam na aki karaoia moa i nanon taina are kam baireia, b'a kam aonga ni kabongana ami tai anne n tatataro iai; ma i mwin anne ao kam bon riai ni manga okiri aromi n reitaki b'a taanga ngkami, b'a kam kawa ni kaririaki iroun Tatan ngkai kam babanga n taotaon nanomi.

Iotua 7:13

Tei rake! tabuia am aomata ao katauraoia i m'aain rokoia i matau. Tuangiia b'a a na katauraoia i m'aain te ingabong, b'a iai au taeka Ngai ae te UEA ae Atuaia Iteraera nakoia ae kaangai, ‘Iai b'aai i buakon ami b'ai Iteraera are I tuangngkami ngkoa b'a kam na kamaunai. Kam na bon aki konaa ni kaaitaraia ami kairiribai ni karokoa kam a tia ni karenakoi baikanne ni kabane.’

Iotua 8:35

Bon akea te tua teuana ae aki warekia Iotua nakoia aomatan Iteraera ni kabane, m'aane, aine, ataei, ao iruwa naba ake a maeka i buakoia.

1.Tamuera 16:5

Ao e taku Tamuera, “Eng, boni ngaia. I roko b'a n na angakarea nakon te UEA. Katauraoingkami b'a kam na ira te angakarea ma n airi ma ngai.” Ao e kaooa naba Iete Tamuera ma natina m'aane b'a a na ira te angakarea, ao e tuangiia, ao e kairiia b'a a na ira te angakarea.