Ioera 2:11 - Te B'aib'ara

¹¹ E kairiia te taanga ni buaka aei te UEA ae te Atua ae e aki konaa ni warekaki, ao a ongotaeka nakon ana kaetieti. E rangi ni kakamaaku ana bong ni motikitaeka n te aro are akea ae e konaa moana.

Ioera 2:11 Iomraidhean Croise

Taian Areru 18:14

Ao E katebe kanoan ana kainikatebe aika itiitini karawa, Ao E kauamaaeia ni kabirinakoia aiana.

Taian Areru 46:6

A kiriwe botannaomata b'a a maaku, a nako buaka waaki n tautaeka n aaba ake iai ueaia; E taetae te Atua n te b'anaa ae korakora, kanga ai aron rebwen te baa, ao e riki n ran aonnaba.

Taian Areru 68:18

E rierake nakon te tabo ae rietaata, ao E kairiia aomata aika bati ake a taenikai i rouna; E kareke angab'ai mairouia, ao mairouia naba ake a rarawa ni kan aantaeka. E na maeka n te tabo arei te UEA ae te Atua.

Itaia 13:4

Ongora nakoia koraki n aomata aika a kakarongoa i aon taiani maunga! A ikoti aia taanga ni buaka taian abanuea, ao taian botannaomata E a bootia taanga ni buaka te UEA ae Moan te M'aaka i bukin te buaka.

Itaia 42:13

E m'ananga n oti nako te UEA kaanga te tia buaka ae e un, ma ni kabanea takaaruana ngke e tabe ni un ma ana kairiribai nako.

Itaia 7:18

E na katang te UEA ngkana e roko te tai, ao a na roko taanga ni buaka mai Aikubita kaanga taian nango ao mai Aturia kaanga taiani manibeeru.

Ieremia 25:30

E taku te UEA nako iu: N na bekorara kaanga te baa man au Tembora, ngkana I kamanatuaia au aomata ma aomata nako kaanga ai aron taiani kureebe.

Ieremia 30:7

Au aomata, e na rangi ni korakora riki marakimi nakon are mai i m'aaina n te tai ae e aki maan mangkai, ma N na kamaiungkami.

Ieremia 50:34

Ma bon Ngai ae te UEA ae Moan te M'aaka, ae N na kamaiuia ma ni kaawakiniia. N na kakoroa te rau i aon abaia ao N na karokoa te kangaanga i aon ami b'ai.

Etekiera 22:14

E na mauna nako ninikoriami ngkana e bane Au m'akuri ma ngkami, ao kam na rangi ni ngore n te aro are kam na aki konaa n tabeki baimi. Bon aei Au taeka Ngai ae te UEA ao N na bon aki bita nanou.

Ioera 1:15

Ti a reke n te kaangaanga! E nang karokoa te kabuanib'ai te UEA are Moan te M'aaka n te tai ae e aki maan.

Ioera 1:6

E a tia te botannaomata ae e korakora ma ana taanga ni buaka ae e aki konaa n warekaki ni buakana abara. Iai irouia wiin ma m'angain taian raian aika a korakora.

Ioera 2:1

Katanga te bu i aon Tion are ana tabuki ae e tabu te UEA. Kauringiia aomata nako b'a a na ruru ni maaku! E nang roko ana bong ni motikitaeka te UEA n te tai ae e aki maan.

Ioera 2:2

E na roo ao ni kananokawaki ma nangin te buaka i aora. A na kaona aon te maunga nako te taanga ni buaka kaanga ai aron nangin buakan karawa. Bon akea te taanga ni buaka ae e korakora ae e a tia n ikotaki mai m'aaina ke ae e na manga ikotaki rimwi.

Ioera 2:25

Boni Ngai ae te UEA ae Atuami, ae N na kabooa mwiin b'aai aika a bua ake a riki irouia te taanga n rookati teuana ma teuana ake I kanakoi b'a a na buakaningkami.

Ioera 2:31

E na okirikaki taai n rotongitong, ao nam'akaina e na uraura kaanga te raraa i m'aain kaotin te bong are e rangi ni kakamaaku arei.

Ioera 3:14

A kaona te M'arua are Te Motikitaeka aomata aika m'aiti. E na roko ana bong n ana Motikitaeka te UEA n te tai ae e aki maan ikai

Ioera 3:16

E na bekorara te UEA kaanga te raian mai nuukan Ierutarem e na karurua aonnaba ma karawa. Ma te UEA bon te nono, te tabo ni katantan i bukiia ana aomata aika Iteraera.

Amota 1:2

E taku Amota, “E bekorara te UEA man te maunga are Tion; E rurunga b'anaana mai Ierutarem. A rai tawaana nako, ao a b'ata uteuten te maunga are Karemera.”

Amota 5:18

E na bon kanganga nakoimi ngkami ake kam ukoukora ana bong te UEA! Tera raoiroin te bong anne nakoim? Bon te bong ae na rotongitong ma tiaki te ota.

Amota 5:20

Ana bong te UEA e na uota te rootongitong ma tiaki te oota; bon te bong ae na mabubu, n akea otana.

Ob'aria 1:15

“N nang karokoi aia bong botannaomata b'a N nang katuaaia. Ngkoe ae Etom, e na manga bon okiriko te b'ai are ko a tia ni karaoia. E na bon reireiniko am m'akuri.

Naum 1:6

Antai ae e kona ni maiu ngkana E un? Antai ae e kona ni maiu i m'ain uran unna? E otinako unna n ai aron te ai. A maerikiriki b'aa, ma n riki ni bubu i matana.

Maraki 3:2

Ao ngkana e roko te bong aei, e na riki b'a kaanga te ura ae e korakora are e karana te tirewa ke kaanga te toobu ae e korakora i nanon te betin n uaati. Bon akea ae e na konaa n teirake ni kaaitaraa.

Warekaia Iteraera 24:23

Ma bon akea ae na kona ni maiu ngkana e bairea ana urub'ai te Atua.

1.I-Tetaronike 4:16

B'a ane E na ruo te Uea mai karawa ma te b'anaa ae takarua n taetae, ma b'anaan te anera ae kakannato, ma tangin ana bu te Atua. Ao a na manga uti moa ake a mate ake a onimakina Kristo,

Te Kaotioti 18:8

Ma ngaia ae a na roko baika kamamate i rouna n te bong ae ti te bongina, ae te aoraki ae kamamate, ma te nanokawaki ae bati, ma te rongo; ao e na kabuokaki ni kabaneaki n te ai; b'a E m'aaka te Uea ae te Atua ae motika taekana.

Te Kaotioti 6:17

B'a e a roko te bong are kakamaaku are bongin unna, ao ai antai ae kona n tei i m'aina?”