Iobi 9:8 - Te B'aib'ara

⁸ Bon akea temanna ae buoka te Atua ngke E taakina nako karawa, ke ngke E toubekaa nukan te mannikaakang ae kakamaaku are i taari.

Iobi 9:8 Iomraidhean Croise

Karikani B'aai 1:1

Ngke E moana te karikib'ai te Atua, ao E karika moa karawa ma aonnaba,

1.Rongorongo 16:26

A taromauri bouannanti botannaomata ake tekorakina, ma E karaoi taiani karawa te UEA

Iobi 26:13

E itiaki karawa n angin ikeikena, ao E a tia n tiringa te naeta are e birinako.

Iobi 26:7

E arora karawa meang i aon te akea, ao E katinetinea te aonnaba n te akea.

Iobi 37:18

Ko kona ni buoka te Atua n arora karawa ma ni karaoia b'a kaanga te biti ae matoatoa?

Iobi 38:11

Ao I kaangai nako ina, “Bon aio tokin naom aika korakora.”

Iobi 38:16

Ko a tia n roko ni koburaken taari are i kabin marawa ake i nano? Ko a tia n nakonako i kabin marawa?

Taian Areru 33:6

A karaoaki taiani karawa ma b'aai nako ake a mena iai n ana taeka te UEA.

Taian Areru 77:19

Ko nakonako ri buakon naao; Ko ri nuukani kabini marawa, Ao a aki noraki m'anekam.

Itaia 40:22

Bon te Atua ae e tautaekana te aonnaba ni kabane, ao ngaira aika ti maeka ikai bon ti taian man aika a uarereke. E taakin nako taiani karawa kaanga te kunnikai ke te autinrianna ae e aki rokinaki.

Itaia 42:5

Bon te UEA Ngai ae te Atua. I karaoi taiani karawa kaanga te autinrianna ae e tangaina nako ieta. I karaoa te aonnaba ma b'ai ni kabane aika a maiu i aona. Boni Ngai boton te maiu ni baika a maiu ni kabane n te aonnaba, ma ngaia are, kakauongo nakon te b'ai ae I taekinna.

Itaia 44:24

Iteraera, bon ami UEA Ngai. Boni Ngai boton maiumi. ao I a tia ni kamaiungkami. I kariki b'aai nako ma i karawa i eta nakon te aba i nano.

Itaia 51:13

I taakina nako taiani karawa ao I kawenea aan te aonnaba. Ma kam a tia ni m'aninga taekau, Ngai ae ami UEA ao te Tia Karikib'ai. Kam katoabong ni maakuia koraki aika a un nanoia ma n taku b'a a na kabuakakako. Ma a mena ia ngkai?

Ieremia 10:11

Ko tuangai b'a n na taekinna b'a a aki karaoa taiani karawa ma aonnaba taian bouananti, ao Ko na kamaunai taiani bouananti Ngkoe ae te UEA.

Ieremia 10:12

Ko karaoa te aonnaba ao ko taakin taiani karawa ni wanawanam ao m'aakam.

Ieremia 51:15

E kamanenaa wanawanana te Atua ao m'aakana ni karika te aonnaba ao n taakin taiani karawa.

Tekaria 12:1

Aio te rongorongo mairoun te UEA i bukin Iteraera: Bon te UEA Ngai! I arora nako taiani karawa; I kaaki te aonnaba i aon aana ao I anga te ikeike ni maiu nakoia aomata.

Ioane 6:19

Ngke a tia ni bwenarina i nanon tao nimaua ke onoua te kiromiita, ao a nora Iesu b'a E nakonako i aon te nama, ni kaania te boti; ao a maku.